ខេត្តកណ្ដាល ៖ «ការគ្រប់គ្រង ការពង្រឹងសមាជិក សមាជិកាបក្សបានល្អ និងសាមគ្គីភាពផ្ទៃក្នុងរឹងមាំ គឺជាកត្តាឈានទៅដណ្តើមជោគជ័យក្នុងពេលបោះឆ្នោតខាងមុខ »។ នេះជាការលើកឡើងរបស់លោក រស់ វណ្ណា អនុប្រធានទី១គណៈអចិន្ត្រៃយ៍គណៈពង្រឹងមូលដ្ឋានស្រុកអង្គស្នួល និងជាប្រធានក្រុមការងារថ្នាក់កណ្តាលចុះជួយមូលដ្ឋានឃុំបែកចាន និងឃុំ ក្រាំងម្កាក់
ខេត្តកណ្ដាល ៖ «ការគ្រប់គ្រង ការពង្រឹងសមាជិក សមាជិកាបក្សបានល្អ និងសាមគ្គីភាពផ្ទៃក្នុងរឹងមាំ គឺជាកត្តាឈានទៅដណ្តើមជោគជ័យក្នុងពេលបោះឆ្នោតខាងមុខ »។ នេះជាការលើកឡើងរបស់លោក រស់ វណ្ណា អនុប្រធានទី១គណៈអចិន្ត្រៃយ៍គណៈពង្រឹងមូលដ្ឋានស្រុកអង្គស្នួល និងជាប្រធានក្រុមការងារថ្នាក់កណ្តាលចុះជួយមូលដ្ឋានឃុំបែកចាន និងឃុំ ក្រាំងម្កាក់ ខណៈពេលដែលលោកអញ្ជើញជួបសំណេះសំណាលជាមួយសមាជិក សមាជិកាគណបក្សប្រជាជនកម្ពុជាចំនួន៥២៣នាក់ មកពី៥ភូមិ ក្នុងឃុំក្រាំងម្កាក់ កាលពីថ្ងៃទី៥ មិថុនា ។
លោក រស់ វណ្ណា បញ្ជាក់ថា តាំងពីមុនរហូតមកដល់ពេលនេះ អនុវត្តតាមផែនការសកម្មភាពឆ្ពោះទៅកាន់ការបោះឆ្នោតជ្រើសតាំងតំណាង រាស្រ្តនីតិកាលទី៥នៃរដ្ឋសភា ឆ្នាំ២០១៣ថ្នាក់ដឹកនាំគណបក្សប្រជាជនកម្ពុជាថ្នាក់កណ្តាលគ្រប់លំដាប់ថ្នាក់ សហការជាមួយគណៈពង្រឹងមូលដ្ឋាន ខេត្ត-ស្រុកបានចំណាយពេលវេលារួមទាំងទ្រព្យធនផងដែរចុះប្រាស្រ័យផ្ទាល់ជាប្រចាំជាមួយប្រជាពលរដ្ឋ ស្វែងយល់ពីសុខទុក្ខ និងតម្រូវការចាំបាច់របស់ប្រជាពលរដ្ឋ ពិសេសសមាជិក សមាជិកាបក្សជួបការលំបាក ដែលសកម្មភាពទាំងនេះគឺជាប្រពៃណីរបស់គណបក្សប្រជាជនកម្ពុជា ។
លោកបញ្ជាក់បន្ថែមថា ជាបន្តបន្ទាប់ការរួមប្រាស្រ័យជាមួយប្រជាជន និងស្វែងយល់ពីតម្រូវការប្រជាជន មិនថាពេលបោះឆ្នោតជិតមកដល់នោះឡើយ តែយើងបានធ្វើជាប្រចាំនិងជារៀងរហូតមកដើម្បីបម្រើផលប្រយោជន៍និងភាពរីកចម្រើនរបស់ប្រជាជន វាខុសពីគណបក្សនយោបាយមួយចំនួនដែលរាល់ពេលបោះឆ្នោតជិតចូលមកដល់ពួកគេតែងរិះរកគ្រប់មធ្យោបាយល្បិចកលភូតភរប្រកបដោយមហិច្ឆតាល្មោភអំណាចបោកប្រាស់ប្រជាជន និងបំភ្លៃការពិតស្របពេលដែលពួកគេមិនដែលធ្វើអ្វីបំពេញតម្រូវការរបស់ប្រជាជនសូម្បីតែបន្តិចសោះនោះ ។
ក្នុងឱកាសសំណេះសំណាលនេះដែរ លោក រស់ វណ្ណា បានបង្កើតជាវេទិកាសំណួរចម្លើយទទួលរង្វាន់សម្រាប់សមាជិក សមាជិកាបក្សទាំងអស់ សំដៅបង្កើនការយល់ដឹងបន្ថែមពាក់ព័ន្ធនឹងការឃោសនាបោកប្រាស់របស់គណបក្សប្រឆាំងក្នុងកំឡុងពេលឃោសនាបោះឆ្នោតជិតមកដល់ ។ ជាចុងក្រោយ លោកបានសំណូមពរដល់សមាជិក សមាជិកាបក្សទាំងអស់ សូមទៅចូលរួមបោះឆ្នោតឲ្យបានគ្រប់ៗគ្នា និងបោះឆ្នោតជូនគណបក្សប្រជាជនកម្ពុជាដែលមានលេខរៀងទី៤ហើយកាលបរិច្ឆេទនៃការបោះឆ្នោតនឹងប្រព្រឹត្តទៅនាថ្ងៃទី២៨ ខែកក្កដា ឆ្នាំ២០១៣ខាងមុខ ។ ជាមួយនេះក៏បានចែកអំណោយអនុស្សាវរីយ៍ដល់សមាជិក សមាជិកាបក្សទាំង៥២៣នាក់ ក្នុងម្នាក់ៗទទួលបានសារុង១ផងដែរ ៕
ចែករំលែកព័តមាននេះ