ខេត្តកំពង់ចាម ៖ ការ៉ូឡានៅតាមសួនមាត់ទន្លេមុខសណ្ឋាគារមេគង្គ ស្ថិតនៅក្នុងសង្កាត់កំពង់ចាម ក្រុងកំពង់ចាម ដែលដឹកនាំកសាងដោយអតីតលោក លន់ លឹមថៃ អភិបាលខេត្តបានស្រុត ដោយមាន…
ខេត្តកំពង់ចាម ៖ ការ៉ូឡានៅតាមសួនមាត់ទន្លេមុខសណ្ឋាគារមេគង្គ ស្ថិតនៅក្នុងសង្កាត់កំពង់ចាម
ក្រុងកំពង់ចាម ដែលដឹកនាំកសាងដោយអតីតលោក លន់ លឹមថៃ អភិបាលខេត្តបានស្រុត ដោយមាន
ទទឹង៤ម៉ែត្រ និងបណ្តោយជិត១៥០ម៉ែត្រ នៅយប់ទាបភ្លឺ ឈានចូលព្រឹកថ្ងៃទី០២ វិច្ឆិកា ២០១៨ ។
ជាមួយនោះអាជ្ញាធរបានដាក់សញ្ញាបម្រាបហាមមិនឲ្យពលរដ្ឋណាចូលទៅលេងត្រង់កន្លែងស្រុតទេ
ដោយខ្លាចគ្រោះកើតឡើងជាយថាហេតុណាមួយ ។
លោក ចាន់ ផល្លី អភិបាលក្រុងកំពង់ចាមប្រាប់ឲ្យដឹងថា នៅឆ្នាំ២០១៨នេះ ទឹកទន្លេមេគង្គបានឡើង
មកជន់លិច នៅតាមបណ្តាស្រុកមួយចំនួនជាប់ដងទន្លេ ក្នុងនោះក្រុងកំពង់ចាមត្រង់ផ្លូវអ៊ុតកៅស៊ូមុខ
សណ្ឋាគារមេគង្គបានត្រូវជ្រាបទឹកចេញពីក្នុងដីហូរមកលើថ្នល់ច្រិចៗ ហើយក៏បានហាមមិនឲ្យមាន
រថយន្តតូចធំធ្វើចរាចរណ៍ឆ្លងកាត់ដែរ ។
លោកអភិបាលក្រុងកំពង់ចាមប្រាប់បន្តថា ទឹកបានឡើងមកជន់លិចរហូតដល់ទៅជាង២ខែហើយ បា
នធ្វើឲ្យដីនៅសួនច្បារមាត់ទន្លេមុខសណ្ឋាគារមេគង្គត្រូវទន់ជ្រាយ ស្របពេលទឹកបានចាប់ផ្តើមស្រក
ទៅវិញនោះ ក៏ជាហេតុបណ្តាលឲ្យការ៉ូក្រាលសួនច្បារត្រូវបានស្រុត ។ សម្រាប់រូបដំរីក្បាលបីមិនបាន
ស្រុតរងការខូចខាតទេ ដោយសារតែបានបុកគ្រឹះ បើតាមគោលការណ៍របស់លោក គួច ចំរើន អភិបា
លនៃគណៈអភិបាលខេត្តបានរៀបចំកម្លាំងជាង ដើម្បីត្រៀមជួសជុលឡើងឲ្យបានល្អដូចដើមវិញ ។
លោក អ៊ុំ វិបុល ប្រធានមន្ទីរធនធានទឹក និងឧតុនិយមខេត្តប្រាប់ឲ្យតាមទូរស័ព្ទនៅរសៀលថ្ងៃទី០២
វិច្ឆិកា ២០១៨ ថា ខឿនបេតុងបានចាប់ស្រុតបាក់ហែកត្រង់មុខសណ្ឋាគាមនោរម្យវីអាយភី រងការខូច
ខាតនោះ ដោយសារតែការសាងសង់គ្រឹះខាងក្រោមមិនបានគត់ហ្មត់ ជាហេតុបណ្តាលឲ្យរងការខូចខាតដូច្នេះ ។ ជាមួយនោះដែរខាងក្រសួងធនធានទឹកក៏បានរៀបចំធ្វើរបាំងច្រាំងទន្លេពីបេតុងនៅផ្នែកខាងក្រោមមុខខណ្ឌរដ្ឋបាលជលផលខេត្ត រហូតដល់កំពង់សាឡាងចាស់ ដោយបានរៀបចំតាមដំណាក់កាល បានខួងដីចូលទៅជ្រៅដល់ស្រទាប់ដីរឹងក្នុងនោះចន្លោះ៦ម៉ែត្រ ដាក់គ្រឹះសរសមួយ បានរៀបចំប្រព័ន្ធចំរោះទឹកត្រឹមត្រូវ ហើយពេលដែលទឹកទន្លេស្រកទៅវិញមិនបានរងការខូចខាតនោះទេ ។
សូមបញ្ជាក់ថា កាលពីប៉ុន្មានឆ្នាំមុននេះត្រង់មុខសណ្ឋាគារមេគង្គ ដីច្រាំងទន្លេបានបាក់ស្រុត ជា
ខ្លាំង និងបានបង្កឲ្យប្រជាពលរដ្ឋ មានផ្ទះនៅជាប់មាត់ទន្លេមានការភ័យខ្លាច ហើយត្រូវបានប្រមុខរាជ
រដ្ឋាភិបាលកម្ពុជា បញ្ជាឲ្យរៀបចំធ្វើច្រាំងជាបន្ទាន់ បានចាក់ខឿនបេតុងរហូតមកដល់ពេលនេះ ៕
ចែករំលែកព័តមាននេះ