ខេត្តតាកែវ ៖ ម៉ូតូបុកគ្នាចំពីមុខពេញទំហឹងលាន់សូរដូចរន្ទះ បណ្តាលឱ្យភាគីទាំងសងខាងស្លាប់ទាំង២នាក់ក្នុងថ្លុកឈាមនៅលើទ្រូងផ្លូវយ៉ាងអាណោធអាធ័មបំផុត ដែលហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៧និង២០នាទីយប់ថ្ងៃទី៣០ ខែតុលា ឆ្នាំ២០១៨ ស្ថិតនៅលើផ្លូវលេខ១២៩ ក្នុងភូមិព្រៃដកពរ័ ឃុំសំបួរ…
ខេត្តតាកែវ ៖ ម៉ូតូបុកគ្នាចំពីមុខពេញទំហឹងលាន់សូរដូចរន្ទះ បណ្តាលឱ្យភាគីទាំងសងខាងស្លាប់ទាំង២នាក់ក្នុងថ្លុកឈាមនៅលើទ្រូងផ្លូវយ៉ាងអាណោធអាធ័មបំផុត ដែលហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៧និង២០នាទីយប់ថ្ងៃទី៣០ ខែតុលា ឆ្នាំ២០១៨ ស្ថិតនៅលើផ្លូវលេខ១២៩ ក្នុងភូមិព្រៃដកពរ័ ឃុំសំបួរ ស្រុកទ្រាំង ខេត្តតាកែវ។
ប៉ូលិសចរាចរណ៍ស្រុកទ្រាំងបានអោយដឹងថា ជនរងគ្រោះដែលស្លាប់ទាំង២នាក់ខាងលើរួមមាន ឈ្មោះហេង វាសនា ភេទប្រុស អាយុ២២ឆ្នាំ រស់នៅភូមិតាប្រឹម ឃុំសំបួរ ស្រុកទ្រាំង ខេត្តតាកែវ ជាអ្នកបើកបរម៉ូតូម៉ាកហុងដា C125 ពណ៌ខ្មៅ ស៊េរីឆ្នាំ២០១៤ ពាក់ស្លាកលេខ ភ្នំពេញ១CQ-៨៥៧៩ ។
ចំណែកភាគីម៉ូតូមួយគ្រឿងទៀតម៉ាកហុងដា C125 ស៊េរីឆ្នាំ២០១០ ពាក់ស្លាកលេខ តាកែវ ១E-៣៦២៥ បើកបរដោយឈ្មោះង៉ែត ចាន់សុផា ភេទប្រុស អាយុ២២ឆ្នាំ រស់នៅភូមិរវៀង ឃុំសំបួរ ស្រុកទ្រាំង ខេត្តតាកែវ។
ប៉ូលិសចរាចរណ៍ស្រុកទ្រាំងបានអោយដឹងថា មុនពេលកើតហេតុ គេឃើញបុរសម្នាក់បើកបរម៉ូតូមួយគ្រឿងស៊េរីឆ្នាំ២០១៤ ពាក់ស្លាកលេខ ភ្នំពេញ ១CQ-៨៥៧៩ បានធ្វើដំណើរក្នុងទិសដៅពីលិចទៅកើត លុះមកដល់កន្លែងកើតហេតុបានបុកជាមួយម៉ូតូមួយគ្រឿងទៀតដែលបើកបរដោយបុរសម្នាក់ ម៉ាកហុងដា ស៊េរីឆ្នាំ២០១០ ពាក់ស្លាកលេខ តាកែវ ១E-៣៦២៥ ធ្វើដំណើរក្នុងទិសដៅពីកើតទៅលិច
(បញ្ច្រាសទិសគ្នា) បណ្តាលឱ្យស្លាប់ទាំង២នាក់នៅកន្លែងកើតហេតុតែម្តង ។
ប៉ូលិសចរាចរណ៍ស្រុកបានបន្តទៀតថា បើតាមសក្សីនៅកន្លែងកើតហេតុបាននិយាយថា មុនពេលកើតហេតុ គេបានឃើញជនរងគ្រោះទាំង២នាក់បើកម៉ូតូយ៉ាងលឿនក្នុងទិសដៅបញ្ច្រាសគ្នា បណ្តាលអោយបុកគ្នាពេញទំហឹងឮសូរដូចរន្ទះ និងបណ្តាលអោយអ្នកបើកបរម៉ូតូទាំង២នាក់ស្លាប់ថ្លុកឈាមនៅនឹងកន្លែងកើតហេតុតែម្តង ។
ក្រោយពេលកើតហេតុ សមត្ថកិច្ចបានប្រគល់សពជូនក្រុមគ្រួសារដើម្បីយកទៅធ្វើបុណ្យតាមប្រពៃណីរៀងៗខ្លួន រីឯម៉ូតូទាំង២គ្រឿងត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកទ្រាំង ដើម្បីរង់ចាំធ្វើការដោះស្រាយគ្នានៅពេលក្រោយ ៕
ចែករំលែកព័តមាននេះ