ខេត្តកំពង់ចាម ៖ លោកសែម បូរ៉ា អាយុ៤៥ឆ្នាំ ជាអគ្គនាយកទូរទស្សន៍អនឡាញ (TNM Online )ត្រូវបានចោទប្រកាន់ពីបទឆបោកលុយ រហូតដល់ទៅជាង១០ម៉ឺនដុល្លារ…
ខេត្តកំពង់ចាម ៖ លោកសែម បូរ៉ា អាយុ៤៥ឆ្នាំ ជាអគ្គនាយកទូរទស្សន៍អនឡាញ (TNM Online )ត្រូវបានចោទប្រកាន់ពីបទឆបោកលុយ រហូតដល់ទៅជាង១០ម៉ឺនដុល្លារ ។ នេះបើតាមការឱ្យដឹងពីលោកហួត វុទ្ធី ព្រះរាជអាជ្ញាអមសាលាដំបូងខេត្ត បានឱ្យដឹងនៅល្ងាចថ្ងៃទី៣០ តុលា ២០១៨ ហើយនឹងបន្តនីតិវិធីទៅច្រៅក្រមស៊ើបសួរបន្តទៀត នាព្រឹកថ្ងៃទី៣១ តុលា នេះ ។
លោកខួន ខន មេភូមិចុង បានប្រាប់ឱ្យដឹងថា ប្រជាពលរដ្ឋចំនួន៨គ្រួសារ ក្នុងនោះ ១- ឈ្មោះ ប្រាក់ រុន ២-ឈ្មោះនុន ស៊យ ៣-ឈ្មោះប៉ុល យឿង ៤-ឈ្មោះ យាន សល ៥-ឈ្មោះ មាច យាត ៦- ឈ្មោះ តុល យ៉ុង ៧-ឈ្មោះបាន អាន ៨-ឈ្មោះ ថុន ថន រស់នៅភូមិឃុំខាងលើ ដោយមានដីស្រែប្រាំងជិត៨ហិកតា ពិតជាបានលក់មកឱ្យលោក ទេព ភារម្យ ភេទប្រុស អាយុ៤៥ឆ្នាំ នៅភូមិអន្លងក្ងាន់ សង្កាត់ឃ្មួញ ខណ្ឌសែនសុខ រាជធានីភ្នំពេញ។
លោកបន្តថា ជាមួយនោះ មានលោកសែម បូរ៉ា ភេទប្រុស អាយុ៤៥ឆ្នាំ ជាតំណាងឱ្យភាគីពលរដ្ឋ០៨គ្រួសារ ក្នុងជំហានដំបូងអ្នកទិញបានកក់ប្រាក់ តែមិនបានដឹងថា មានចំនួនប៉ុន្មាននោះទេ ។ ក្រោយមក
ទៀត រឿងលុយដែលទិញលក់ដីនោះលឿន ឬយឺតយ៉ាងណារូបលោក ក៏មិនបានដឹង ជាមួយនោះរូបលោកបានលើកហេតុផលថា បើមានការទិញលក់ដីពីពលរដ្ឋណាម្នាក់ ហើយអ្នកទិញដីឲ្យលុយមិនទាន់គ្រប់ចំនួនតាមការព្រមព្រៀងនោះ ម្ចាស់ដីអាចមានសិទ្ធិប្តឹងបាន ។ សូម្បីតែកម្លាំងសមត្ថកិច្ចមកចាប់ខ្លួនលោកសែម បូរ៉ា តំណាងឲ្យពលរដ្ឋនោះ រូបលោកក៏មិនបានដឹងដែរ ។ខុសត្រូវយ៉ាងណានោះ ស្ថិតនៅលើច្បាប់ជាអ្នកវិនិច្ឆ័យ ។
លោកមេធាវី ផូ បូរ៉ានីត ដោយមិនអាចបំភ្លឺបានទេ រឿងកូនក្តីរបស់លោកឈ្មោះ សែម បូរ៉ា ដោយរង់ចាំ
នៅថ្ងៃទី៣១ តុលា នេះ គឺនៅរង់ចាំមើលនីតិវិធីរបស់សាលាដំបូងខេត្តសិន ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ