រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីអត្តឃាត(លោតពីលើអគារ) នៅវេលាម៉ោង៣និង៣០នាទី រំលងអធ្រាត្រថ្ងៃទី៣០ ខែតុលានេះ ក្នុងសាកលវិទ្យាល័យការពារជាតិ អគារB ភូមិមិត្តភាព…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីអត្តឃាត(លោតពីលើអគារ) នៅវេលាម៉ោង៣និង៣០នាទី រំលងអធ្រាត្រថ្ងៃទី៣០ ខែតុលានេះ ក្នុងសាកលវិទ្យាល័យការពារជាតិ អគារB ភូមិមិត្តភាព សង្កាត់ឬស្សីកែវ ខណ្ឌឬស្សីកែវ ។
សពខាងលើមានឈ្មោះ រិន រី ភេទប្រុស អាយុប្រហែល៤៥ឆ្នាំ ឋានៈវរសេនីយ៍ត្រី មកពីកងពលតូចអន្តរាគមន៍ស្មើជើងលេខ១៤ នៅពោធិ៍សាត់ ជាសិក្ខាកាមជំនាន់ទី២ ឆ្នាំទី១ វគ្គបរិញ្ញាប័ត្រជាន់ខ្ពស់ អប់រំចិត្តសាស្ត្រ មានលំនៅភូមិត្រពាំងជង ឃុំត្រពាំងជង ស្រុកបាកាន ខេត្តពោធិ៍សាត់ ។
សេចក្តីរាយការណ៍បានបន្តថា នៅពេលក្រោកពីគេងសិក្ខាកាមខ្លះក៏បានហាត់ប្រាណហើយក៏បានប្រទះឃើញជនរងគ្រោះខាងលើដេកនៅលើឥដ្ឋ ស្មានតែគាត់ស្រវឹងដេក ក្រោយមកក៏ភ្ញាក់ផ្អើលដឹងថាគាត់លោតសម្លាប់ខ្លួនតែម្តង ។
បើតាមព័ត៌មានបាឲ្យដឹងថា គាត់បានលោតសម្លាប់ខ្លួននៅវេលាម៉ោងប្រហែល១២រំលងអធ្រាត្រ ដោយនៅវេលានោះគេបានលឺសម្លេងធ្លាក់អ្វីមួយ ប៉ុន្តែពុំមាននរណាម្នាក់ចាប់អារម្មណ៍ឡើយ ស្រាប់តែព្រលឹមឡើងសិក្ខាកាមបានក្រោកហាត់ប្រាណក៏មានការផ្អើលតែម្តង ។
ទាក់ទិននឹងការធ្វើអត្តឃាត់ខាងលើយើងមិនទាន់ដឹងពីមូលហេតុច្បាស់លាស់នៅឡើយទេ ប៉ុន្តែកន្លងមកគាត់ធ្លាប់មានជំងឺប្រចាំកាយ ហើយតែតែងផឹកស្រវឹងជារៀងរាល់ថ្ងៃ ហើយនៅយប់កើតហេតុគាត់បានផឹកជាមួយសិក្ខាកាមនៅខាងក្រោម ពេលផឹកហើយគាត់បានឡើងទៅដេកធម្មតា ស្រាប់តែព្រលឹមឡើងប្រទះឃើញសពតែម្តង ៕
ចែករំលែកព័តមាននេះ