ខេត្តមណ្ឌលគីរី ៖ មន្ត្រីឧទ្យានុរក្ស កាលពីថ្ងៃទី២៧ តុលា ២០១៨ បានបង្ក្រាបការជួញដូរសត្វព្រៃមួយករណី ខណៈជនសង្ស័យម្នាក់ជិះម៉ូតូដឹកសត្វស្វាពីរក្បាលចេញពីដែនជម្រកការពារសត្វព្រៃណាមលៀរ ។ លោក…
ខេត្តមណ្ឌលគីរី ៖ មន្ត្រីឧទ្យានុរក្ស កាលពីថ្ងៃទី២៧ តុលា ២០១៨ បានបង្ក្រាបការជួញដូរសត្វព្រៃមួយករណី ខណៈជនសង្ស័យម្នាក់ជិះម៉ូតូដឹកសត្វស្វាពីរក្បាលចេញពីដែនជម្រកការពារសត្វព្រៃណាមលៀរ ។
លោក វុធ សារុំ នាយកដែនជម្រកការពារសត្វព្រៃណាមលៀរបានឲ្យដឹងថា «មន្ត្រីឧទ្យានុរក្ស ស្នាក់ការកង់ឡង់ទួលស្វាយ ចុះល្បាតនៅគោលដៅភូមិចាម ឃុំដាក់ដាំ ស្រុកអូររាំង ខេត្តមណ្ឌលគិរី ។ បានប្រទះឃើញជនសង្ស័យដឹកសាក់កាដូរ ពណ៌ប៉ារ៉ា ។ ដែលក្រុមការងារមានការសង្ស័យក៏បានដេញតាម ហើយពេលនោះជនសង្ស័យភ័យបានបោះសាក់កាដូរចោល ជិះរត់គេចខ្លួនបាត់ស្រមោល ហើយមន្ត្រីបានឆែកមើលក្នុងសាក់កាដូរមានសត្វស្វាងាប់ចំនួនពីរក្បាល ជាប្រភេទស្វាអង្កត់» ។
លោកនាយកដែនបានបន្តថា «ក្រុមព្រានព្រៃតែងលួចចូលទៅបបាញ់សត្វព្រៃយកទៅលក់ នៅតាមទីផ្សារងងឹតជារឿយៗប៉ុន្តែសកម្មភាពរបស់ពួកគេត្រូវបានមន្ត្រីជំនាញប្រចាំនៅដែនអភិរក្សចាប់បង្ក្រាបជាញឹកញាប់ ។ ដែលករណីខ្លះត្រូវបានឃាត់ខ្លួនជនពាក់ព័ន្ឋបញ្ជូនទៅតុលាការ ចំណែកករណីខ្លះជនល្មើសដឹងខ្លួនមុនក៏គេចបាត់ បង្ក្រាបបានត្រឹមវត្ថុតាងប៉ុណ្ណោះ» ៕
ចែករំលែកព័តមាននេះ