ខេត្តស្វាយរៀង ៖ លោកជំទាវសង្គហបណ្ឌិតម៉ែន សំអន ឧបនាយករដ្ឋមន្ត្រីរដ្ឋមន្ត្រីទំនាក់ទំនងជាមួយរដ្ឋសភាព្រឹទ្ធសភា និងអធិការកិច្ចអញ្ជើញជាអធិបតីក្នុងពិធីប្រណាំងទូកងជាប្រពៃណីអបអរសាទរពិធីបុណ្យអំទូកអកអំបុកបណ្តែតប្រទីបសំពះព្រះខែ ដោយមានការអញ្ជើញចូលរួមពី លោក លោកជំទាវ អ្នកឧកញ៉ា…
ខេត្តស្វាយរៀង ៖ លោកជំទាវសង្គហបណ្ឌិតម៉ែន សំអន ឧបនាយករដ្ឋមន្ត្រីរដ្ឋមន្ត្រីទំនាក់ទំនងជាមួយរដ្ឋសភាព្រឹទ្ធសភា និងអធិការកិច្ចអញ្ជើញជាអធិបតីក្នុងពិធីប្រណាំងទូកងជាប្រពៃណីអបអរសាទរពិធីបុណ្យអំទូកអកអំបុកបណ្តែតប្រទីបសំពះព្រះខែ ដោយមានការអញ្ជើញចូលរួមពី លោក លោកជំទាវ អ្នកឧកញ៉ា គណៈប្រតិភូជាតិ និងអន្តរជាតិ មន្ត្រីរាជការ ប្រជាពលរដ្ឋរាប់ម៉ឺននាក់។
ពិធីនេះចាប់ផ្តើមនៅវេលាម៉ោង៨ព្រឹកថ្ងៃទី២៨តុលា២០១៨នៅទន្លេវ៉ៃគោក្រុងស្វាយរៀង ដោយមានទូកប្រពៃណីខ្នាតអន្តរជាតិ៤៥គ្រឿង ទូកក្តារ៣សន្លឹក៦គ្រឿង ក្នុងនោះផ្នែកនារី១គ្រឿង ដែលមានកីឡាករកឡាករនីសរុប១១៣៥នាក់ នារី៤នាក់។
បើតាមលោកម៉ែន វិបុល អភិបាលនៃគណអភិបាលខេត្តបានឲ្យដឹងថា ការប្រណាំងទូកឆ្នាំ២០១៨នេះមានចំនួន៤៥ទូក មានកីឡាករ កីឡាការនីសរុប១១៣៥នាក់ នារី៤នាក់ ក្នុងនោះកីឡាករពេញសិទ្ធិចំនួន៨៧៨នាក់ កីឡាករបម្រុង២៥៧នាក់ មានថ្នាក់ដឹកនាំកីឡាចំនួន១៩៥នាក់។
ក្នុងនោះទូកប្រពៃណីខ្នាតអន្តរជាតិចំនុះ២២នាក់ចំនួន៣៩គ្រឿងគឺទូកក្នុងខេត្ត១២គ្រឿង ទូកកងរាជអាវុធហត្ថលើផ្ទៃប្រទេសមកពី២៥រាជធានីខេត្ត២៥គ្រឿង ទូកខេត្តកណ្តាល១គ្រឿងទូករដ្ឋបាលខេត្តព្រះវិហារ១គ្រឿង ទូកក្តារ៣សន្លឹកចំនួន៦គ្រឿង ទូកផ្នែកនារី១គ្រឿង ។ ក្នុងពិធីនោះដែរ មានមនុស្សមកចូលរួមទស្សនារាប់ម៉ឺននាក់ ៕
ចែករំលែកព័តមាននេះ