រាជធានីភ្នំពេញ ៖ អគ្គិភ័យឆាបឆេះក្នុងបន្ទប់បើកថ្នាំពេទ្យជាន់ទី២ អគារសង្គ្រោះបន្ទាន់របស់មន្ទីរពេទ្យកុមារជាតិអស់សម្ភារមួយចំនួនធំ និងឯកសារអ្នកជំងឺមួយចំនួន ដែលហេតុជំហានដំបូងគេនៅមិនទាន់ដឹងនៅឡើយ ប៉ុន្តែគេបានដាក់ការសង្ស័យថា ដោយសារទុស្សេខ្សែភ្លើង ។ ហេតុការណ៍នោះបានកើតឡើងពីវេលាម៉ោង២១និង៤៥នាទីយប់…
រាជធានីភ្នំពេញ ៖ អគ្គិភ័យឆាបឆេះក្នុងបន្ទប់បើកថ្នាំពេទ្យជាន់ទី២ អគារសង្គ្រោះបន្ទាន់របស់មន្ទីរពេទ្យកុមារជាតិអស់សម្ភារមួយចំនួនធំ និងឯកសារអ្នកជំងឺមួយចំនួន ដែលហេតុជំហានដំបូងគេនៅមិនទាន់ដឹងនៅឡើយ ប៉ុន្តែគេបានដាក់ការសង្ស័យថា ដោយសារទុស្សេខ្សែភ្លើង ។
ហេតុការណ៍នោះបានកើតឡើងពីវេលាម៉ោង២១និង៤៥នាទីយប់ ថ្ងៃទី២៧ ខែតុលា ឆ្នាំ២០១៨ នៅចំណុចបន្ទប់បើកថ្នាំជាន់ទី២ ក្នុងអគារសង្គ្រោះបន្ទាន់ បណ្តោយផ្លូវលេខ១១០ ភូមិ១៤ សង្កាត់ទឹកល្អក់១ ខណ្ទទួលគោក ។
បើតាមក្រុមគ្រូពេទ្យដែលធ្វើការនៅបន្ទប់កើតហេតុបានឲ្យដឹងថា មុនពេលកើតហេតុគេលាន់លឺសម្លេងផ្ទុះគេសង្ស័យទុស្សែខ្សែភ្លើង ហើយក៏ចេញផ្សែងនឹងអណ្ដាតភ្លើងកើតឡើងយ៉ាងសន្ធោសន្ធៅខណៈនោះក្រុមគ្រូពេទ្យ និងឪពុកម្តាយក្មេងៗអ្នកជំងឺក៏បាននាំគ្នាពរកូនចុះមកក្រោមរត់ជាន់ជើងគ្នា ហើយបានរាយការណ៍ជូនសមត្ថកិច្ច និងមន្ត្រីអាជ្ញាធរមូលដ្ឋានផងដែរ ។
ភ្លាមៗនោះក៏មានរថយន្តពន្លត់អគ្គិភ័យរបស់អធិការដ្ឋានខណ្ឌទួលគោកចំនួនពីរគ្រឿង ចុះមកដល់កន្លែងកើតហេតុ ដើម្បីបាញ់ទប់ស្កាត់កុំឲ្យភ្លើងរាលដាលទៅបន្ទប់ផ្សេងៗថែមទៀត ទើបមានការអន្តរាគម៍ពីរថយន្តអគ្គិភ័យរបស់នរគបាលរាជធានីភ្នំពេញ សរុបចំនួន១៦គ្រឿង តែប្រើអស់ចំនួន០៧គ្រឿង ទើបអណ្តាតភ្លើងរលត់ទាំងស្រុង ។ ក្នុងហេតុការណ៍នេះដែរមិនបណ្តាលឲ្យមានមនុស្សរងរបួស ឬបាត់បង់ជីវិតនោះទេ គ្រាន់តែរងការខូចខាតសម្ភារមួយចំនួននឹងឯកសាររបស់អ្នកជំងឺតែប៉ុណ្ណោះ ៕
ចែករំលែកព័តមាននេះ