ខេត្តបន្ទាយមានជ័យ ៖ កាលពីវេលាម៉ោង៤និង៥នាទីរសៀលថ្ងៃទី២៥ ខែតុលា ឆ្នាំ២០១៨ មានប្រជាពលរដ្ឋបានរាយការណ៍មកកំលាំងជំនាញផ្នែកប្រឆាំងគ្រឿងញៀននៃអធិការក្រុងប៉ោយប៉ែត ថា មានគេចែកចាញគ្រឿងញៀននៅក្នងបន្ទប់ជួលលេខ៥ នៅជាន់ទី១ នៅចំណុចខាងកើតផ្សារត្រី…
ខេត្តបន្ទាយមានជ័យ ៖ កាលពីវេលាម៉ោង៤និង៥នាទីរសៀលថ្ងៃទី២៥ ខែតុលា ឆ្នាំ២០១៨ មានប្រជាពលរដ្ឋបានរាយការណ៍មកកំលាំងជំនាញផ្នែកប្រឆាំងគ្រឿងញៀននៃអធិការក្រុងប៉ោយប៉ែត ថា មានគេចែកចាញគ្រឿងញៀននៅក្នងបន្ទប់ជួលលេខ៥ នៅជាន់ទី១ នៅចំណុចខាងកើតផ្សារត្រី ស្ថិតនៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្ត បន្ទាយមានជ័យ ។
បន្ទាប់ពីទទួលបានសេចក្តីរាយការណ៍ខាងលើភ្លាម កំលាំងជំនាញបានទៅដល់ក៏ធ្វើការឆែកឆេររកឃើញ និងឃាត់ខ្លួនជនសង្ស័យឈ្មោះ ភាព រក្សា ភេទប្រុស អាយុ២៥ឆ្នាំ ស្នាក់នៅភូមិ បាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ចំណែកវត្ថុតាងដែលសមត្ថកិច្ចចាប់យករួមមាន ម្សៅក្រាមពណ៌សថ្លា១កូនថង់ធំល្មម, ថ្នាំគ្រាប់ពណ៍ទឹកក្រូច មានអក្សរLVចំនួន១៤៣គ្រាប់កន្លះ, ថ្នាំគ្រាប់ពណ៍លឿងខ្ចីចំនួន៣០គ្រាប់ មានអក្សរ រ៉ូឡិច, ថ្នាំគ្រាប់ពណ៌ខៀវខ្ចីចំនួន៩០គ្រាប់ មានអក្សរ រ៉ូឡិច, ថ្នាំដបកេតាមីនចំនួន៦១ដប។
ជញ្ជីងសំរាប់ថ្លឹងថ្នាំញៀងចំនួន២, ថ្នាំបន្ទះចំនួន១៧គ្រាប់, សំបកដបកេតាមីនចំនួន៤៥៤ដប, គំរបដបកេតាមីនមួយចំនួន រួមនិងប្រអប់ថ្នាំកេតាមីនចំនួន៥ពណ៌ខៀវ, ថង់កិបមាត់សំរាប់ច្រកគ្រឿងញៀនមួយចំនួន, ថង់ខ្មៅមានរុំស្គុតចំនួន៤សំរាប់ច្រកគ្រឿងញៀន, ឆ្នាំងសំរាប់សំងួតថ្នាំញៀងចំនួន១គ្រឿង និងកេសក្រដាសដែលមានសរសេរលេខទូរស័ព្ទ ភ្នំពេញ-ប៉ោយប៉ែតចំនួន២ផងដែរ ។
បន្ទាប់ពីឈ្មោះភាព រក្សា បានសារភាព កំលាំងសមត្ថកិច្ចក៏បន្តទៅឃាត់ខ្លួនជនសង្ស័យម្នាក់ទៀតនៅចំណុចច្រកទ្វាអន្តរជាតិប៉ោយប៉ែត ឈ្មោះ ធុន សុគន្ធា ភេទស្រី អាយុ២៦ឆ្នាំ មុនរបរ បុគ្គលិកកាស៊ីណូ ស្នាក់នៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យទាំងនាក់ខាងលើត្រូវបានសមត្ថកិច្ចកំពុងធ្វើការស៊ើបសួរនៅអធិការដ្ឋានក្រុងប៉ោយប៉ែត ៕
ចែករំលែកព័តមាននេះ