រាជធានីភ្នំពេញ ៖ បុរសម្នាក់សង្ស័យជាជនអនាថាម្នាក់បានដេកស្លាប់ជាប់នឹងរងផ្ទះប្រជាពរដ្ឋមួយកន្លែងគួរឲ្យអាណោចអាធ័ម ។ ហេតុការណ៍បង្កការផ្អើលដល់ប្រជាពលរដ្ធចោមរោមមើលកាលពីវេលាម៉ោង៨និង១០នាទីយប់ថ្ងៃទី២៣ ខែតុលា នៅក្បែររបងផ្ទះប្រជាពលរដ្ធ តាមបណ្ដោយផ្លូវ១៣២ ខាងលិចសាលាសន្ទរម៉ុក ស្ថិតក្នុងសង្កាត់ទឹកល្អក់១…
រាជធានីភ្នំពេញ ៖ បុរសម្នាក់សង្ស័យជាជនអនាថាម្នាក់បានដេកស្លាប់ជាប់នឹងរងផ្ទះប្រជាពរដ្ឋមួយកន្លែងគួរឲ្យអាណោចអាធ័ម ។ ហេតុការណ៍បង្កការផ្អើលដល់ប្រជាពលរដ្ធចោមរោមមើលកាលពីវេលាម៉ោង៨និង១០នាទីយប់ថ្ងៃទី២៣ ខែតុលា នៅក្បែររបងផ្ទះប្រជាពលរដ្ធ តាមបណ្ដោយផ្លូវ១៣២ ខាងលិចសាលាសន្ទរម៉ុក ស្ថិតក្នុងសង្កាត់ទឹកល្អក់១ ខណ្ឌទួលគោក។
សពជនរងគ្រោះខាងលើមិនទាន់ស្គាល់អត្តសញ្ញាណនៅឡើយទេ។
បើតាមប្រភពព័ត៌មានពីប្រជាពរដ្ឋដែលរស់នៅទីតាំងកន្លែងកើតហេតុបានអោយដឹងថា មុនមានការភ្ញាក់ផ្អើល គេតែងតែឃើញបុរសជាជនរងគ្រោះខាងលើនោះដើរឆ្លងកាត់តាមបណ្ដោយផ្លូវនោះ ស្ទើរតែរៀងរាល់ថ្ងៃ ។
លុះដល់យប់កើតហេតុ គេឃើញជនរងគ្រោះខាងលើនោះដើរពីលិចទៅកើតមកដល់ចំនុចកើតហេតុបានឈប់អង្គុយជាប់របងផ្ទះគេបានមួយសន្ទុះក្រោយមកក៏បែកពពុះមាត់រួចបានដេកស្លាប់តែម្ដង សង្ស័យថាដើរដាច់បាយដាច់ទឹកទើបបណ្តាលអោយខ្យល់គរស្លាប់បែបនេះ ។
ភ្លាមៗនោះដែរ ប្រជាពរដ្ឋក៏បានរាយការណ៍ទៅសមត្ថកិច្ចចុះទៅត្រួតពិនិត្យ ឃើញថាពិតជាស្លាប់ពិតប្រាកដកមែនបានទាក់ទងទៅជំនាញផ្នែកកោលសល្យវិឆ្ច័យមកពីនិត្យជនរងគ្រោះពិតជាស្លាប់ដោយខ្យល់គរ ប្រាកដមែន។
ក្រោយកើតហេតុ សពជនរងគ្រោះមិនត្រូវបានស្គាល់អត្តសញ្ញាណទេ ហើយសមត្ថកិច្ចក៏មិនអាចទាក់ទងទៅក្រុមគ្រួសារសពបានដែរ ព្រោះនៅលើខ្លួនសពមិនមានរបស់អ្វីជាប់នឹងខ្លួនឡើយ ទើបសមត្ថកិច្ចទាក់ទងហៅរថយន្តដឹកសពយកទៅតម្កល់ទុកនៅវត្តទឹកថ្លា រង់ចាំទាក់ទងទៅសាច់ញាតិ បើនៅតែមិនអាចទាក់ទងបាន សមត្ថកិច្ចនឹងអោយខាងវត្តបូជាសពជនរងគ្រោះខាងលើតាមប្រពៃណី ៕
ចែករំលែកព័តមាននេះ