ខេត្តឧត្តរមានជ័យ ៖ ស្ត្រី២នាក់កើតមានជម្លោះប្រកែកគ្នាយ៉ាងតឹងសរសៃករៀងៗខ្លួន រហូតឈានដល់ វាយតប់គ្នាម្នាក់បែកក្បាលហូរឈាមស្រោចខ្លួន និងម្នាក់ទៀតបានគេចខ្លួន កាលពីវេលាម៉ោង៣ និង៣០នាទី រសៀល ថ្ងៃទី១៦…
ខេត្តឧត្តរមានជ័យ ៖ ស្ត្រី២នាក់កើតមានជម្លោះប្រកែកគ្នាយ៉ាងតឹងសរសៃករៀងៗខ្លួន រហូតឈានដល់ វាយតប់គ្នាម្នាក់បែកក្បាលហូរឈាមស្រោចខ្លួន និងម្នាក់ទៀតបានគេចខ្លួន កាលពីវេលាម៉ោង៣ និង៣០នាទី រសៀល ថ្ងៃទី១៦ តុលា ២០១៨។ ហេតុការណ៍នេះ កើតឡើង នៅភូមិអូរចិញ្ចៀន ឃុំអន្លង់វែង ខេត្តឧត្តរមានជ័យ។
ជនរងគ្រោះឈ្មោះ កឹង ចាន់ណា ភេទស្រី អាយុ៤៩ឆ្នាំ រងរបួសបែកក្បាលដេ៦ថ្នេរ និងរងរបួសលើផ្ទៃមុខ។ ចំណែកជនដៃដល់ឈ្មោះ ជុំ រ៉ន ភេទស្រី ត្រូវបានរត់គេចខ្លួនបាត់ស្រមោល ទាំង២នាក់ មានទីលំនៅក្នុងភូមិឃុំកើតហេតុខាងលើ។ មន្ត្រីអាវុធហត្ថស្រុកអន្លង់វែងបានឱ្យដឹងថា ស្ត្រី២នាក់នេះ មុនពេលកើតហេតុបាននាំគ្នាលេងបៀ ហើយក៏កើតមានជម្លោះគ្នាយ៉ាងបែកផ្សែង។
ក្នុងការជម្លោះគ្នាស្ត្រីម្នាក់ឈ្មោះ ជុំ រ៉ន បានយកទូស័ព្ទដៃវាយទៅលើក្បាលឈ្មោះ កឹង ចាន់ណា បណ្តាលឱ្យរងរបួសធ្ងន់ធ្ងរ ត្រូវនាំយកទៅព្យាបាលនៅក្នុងមន្ទីរពេទ្យឯកជនមួយនៅក្នុងស្រុក។ ចំណែកជនដៃដល់ត្រូវបានរត់គេចខ្លួនបាត់ តែទោះជាបែបណាសមត្តកិច្ចកំពុងតែធ្វើការស្រាវជ្រាវ ដើម្បីយកជនដៃដល់នាំខ្លួនយកមកផ្តន្ទាទោសតាមនីតិវិធីច្បាប់៕
ចែករំលែកព័តមាននេះ