រាជធានីភ្នំពេញ ៖ ផ្ទះល្វែងក្នុងបុរីហុងលីមួយកន្លែងដែលជាផ្ទះបង្រៀនសិស្សបានទុស្សេចេញ ពីក្រោមមុខទូរទស្សន៍បង្កអោយឆាបឆេះយ៉ាងសន្ធោសន្ធៅផ្អើលអ្នកជិតខាងទាញបំពង់ពន្លត់បាញ់អស់ជាច្រើនបំពង់នៅតែមិនរលត់ត្រូវបានរថយន្តពន្លត់អគ្គីភ័យមកអន្តរាគមន៍ ។ ហេតុការណ៍នេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី១៦ ខែតុលា ឆ្នាំ២០១៨ តាមបណ្តោយផ្លូវបេតុងនៅចំណុចផ្ទះលេខ១០F ស្ថិតនៅក្នុងភូមិ២ សង្កាត់ច្រាំងចំរេះ ខណ្ឌដូនពេញ ។
ប្រភពព័ត៌មានពីម្ចាស់ផ្ទះឈ្មោះ សូ ហ្វី ភេទប្រុស អាយុ២២ឆ្នាំ មុខរបរបង្រៀនសិស្សនៅផ្ទះកើតហេតុខាងលើបានអោយដឹងថា មុនពេលកើតហេតុ សិស្សនៅក្នុងផ្ទះរបស់គាត់មានចំនួនទាំងអស់ជាង១០នាក់ ហើយពួកគេទាំងអស់នោះខ្លះគេង ខ្លះទៀតកំពុងតែមើលសៀវភៅ ស្រាប់តែធុំក្លិនឈ្ងៀម ហើយហ៊ុយផ្សែងឡើងយ៉ាងសន្ធោសន្ធៅចេញមកពីក្រោមមុខទូរទស្សន៍ ។
ភ្លាមៗនោះដែលសិស្សដែលនៅក្នុងផ្ទះនោះបានស្រែកឆោឡោថាភ្លើងឆេះផ្ទះហើយបានអ្នកជិតខាងនាំគ្នាយកបំពង់ពន្លត់អគ្គីភ័យបានបាញ់ពន្លត់អស់ជិត១០បំពង់នៅតែមិនទាន់រលត់ទៀតក៏បានហៅរថយន្តពន្លត់អគ្គីភ័យមកចំនួន២គ្រឿង ប៉ុន្តែបាញ់ទឹកអស់តែមួយគ្រឿងបានរលត់អស់ទាំងស្រុង សំណាងល្អហើយដែលនៅក្នុងគ្រោះអគ្គីភ័យនោះមិនបង្កអោយនរណាម្នាក់រងរបួសនោះទេ គ្រាន់តែខូចខាតសម្ភារៈដូចជាសាឡុងអស់មួយតែប៉ុណ្ណោះ ។
ក្រោយពេលកើតហេតុអគ្គីភ័យទុស្សេខាងលើនេះត្រូវបានរលត់អស់ទាំងស្រុងនៅវេលាម៉ោង១២រំលង
អធ្រាត្រឈានចូលថ្ងៃទី១៧ ខែតុលា ឆ្នាំ២០១៨ ៕
ចែករំលែកព័តមាននេះ