ADផ្ទាំងផ្សព្វផ្សាយពាណិជ្ជកម្ម

Picture

ជម្លោះ​គ្រួសារ​លោកគ្រូ​ផ្សំ​ថ្នាំបុរាណ​«​អមតៈ​កម្លាំង​សេះ​ខ្មៅ​សច្ចំ​ប្រទាន​» ផ្អើល​អស់​រាស្ត្រ​-​មន្ត្រី

5 ឆ្នាំ មុន
  • ភ្នំពេញ

រាជធានីភ្នំពេញ ៖ រឿងរ៉ាវមួយបានកើតឡើង ដែល​បុរសម្នាក់​គេស្គាល់ថា ជា​លោកគ្រូ​ផ្សំ​ថ្នាំ​ឱសថ​បុរាណ «អមតៈ​កំលាំង​សេះ​ខ្មៅ​សច្ចំ​ប្រទាន»បង្ខាំងម្តាយក្មេកមិនឱ្យចេញក្រៅផ្ទះ ខណៈជំងឺ (បេះដូងនិង​លើស​ឈាម) ម្តាយក្មេក​កំពុងធ្វើទុក្ខ​  ដែល​ហេតុការណ៍នេះបង្ក​​ការ​ភ្ញាក់​ផ្អើល…

រាជធានីភ្នំពេញ ៖ រឿងរ៉ាវមួយបានកើតឡើង ដែល​បុរសម្នាក់​គេស្គាល់ថា ជា​លោកគ្រូ​ផ្សំ​ថ្នាំ​ឱសថ​បុរាណ «អមតៈ​កំលាំង​សេះ​ខ្មៅ​សច្ចំ​ប្រទាន»បង្ខាំងម្តាយក្មេកមិនឱ្យចេញក្រៅផ្ទះ ខណៈជំងឺ (បេះដូងនិង​លើស​ឈាម) ម្តាយក្មេក​កំពុងធ្វើទុក្ខ​  ដែល​ហេតុការណ៍នេះបង្ក​​ការ​ភ្ញាក់​ផ្អើល ​កាលពី​វេលា​ម៉ោង​១​រំលងអ​ធ្រា​ត្រ​ឈាន​ចូល​ថ្ងៃ​ទី១៦ ​តុលា នេះ ​ក្នុង​ពិធី​​ខួបកំណើត​ឱ្យ​​ប្រពន្ធ​ទី​៤ ​តែលោកគ្រូ​បាន​​​ឈ្លោះប្រកែក​ជាមួយ​ប្រពន្ធ​​ទី​៣ ក៏​​ម្តាយ​ក្មេកទុកតែម្តង ។

​ប្រភពឱ្យដឹងថា ​​លោក​គ្រូខាងលើ​ ឈ្មោះ​ភូ យ៉ុ​ង​នៀ​ន ហៅ​​លោកគ្រូ កៃ យី មាន​ទីលំនៅ​​ផ្ទះ​លេខ​96C ខាងជើង​វត្ត​ទួល​ទំពូង ផ្លូវ​ម៉ៅ​សេ​ទុង សង្កាត់​បឹង​ត្របែក ខណ្ឌចំការមន​ ។​ រីឯលោកយាយ​ដែល​ត្រូវ​ជា​ម្តាយក្មេក​​​​ឈ្មោះ ស៊ូ ផេ​ន ​អាយុ​៦៥ឆ្នាំ (ម្តាយរបស់ប្រពន្ធទី៣) ស្នាក់​នៅ​បុរី​សន្តិភាព​២ សង្កាត់​ចោម​ចៅ​៣ ខណ្ឌ​ពោធិ៍​សែន​ជ័យ​ មាន​​ប្តី​ឈ្មោះ​ឆែម ឆាន អាយុ​៦៨​ឆ្នាំ ​។

បើ​តាម​​​​លោកតា​​ជាឪពុកក្មេក​បានឱ្យ​ដឹង​​​ថា កូន​ស្រី​គាត់​បាន​​រៀប​ការជាមួយកូនប្រសា​ជាគ្រូផ្សំ​​ថ្នាំ​​បុរាណ​នោះ មាន​ឈ្មោះ​ផា​ណា អាយុ​៣០​ឆ្នាំ ​ រយៈជាង១​០​ឆ្នាំ​មក​ហើយ និងមានកូន​៣​នាក់ ដែល​​កូនស្រី​​គាត់​ជា​ប្រពន្ធ​​ទី​​៣ ។  លោកតា​បញ្ជាក់​​ទៀត​ថា  កូនប្រសា​គាត់​​ជា​មនុស្ស​ពិការ​ជើង  (ស្វិតជើង​ទាំង​ពីរ​) ដើរ​មិន​រួច​ទេ ​អង្គុយ​នៅ​តែ​លើ​រទេះរុញ​ ​ហើយ​មាន​ប្រពន្ធ​ទាំងអស់​៤នាក់ នៅ​ក្នុងផ្ទះ​តែ​មួយ​​ ប៉ុន្តែយ៉ាងណា​ប្រពន្ធ​ទាំង​៤​​ រស់នៅក្នុងផ្ទះ​​ចុះ​សម្រុង​គ្នាល្អ មិន​ដែល​ឈ្លោះ​គ្នា​ទេ ​ដែលម្នាក់ៗ​សុទ្ធតែ​មានកូន​ទាំងអស់​គ្នា ។

លោកតាបន្ត​​ថា ​ប៉ុន្តែ​កូនប្រសា​​គាត់​​ឱ្យ​តែ​ស្រវឹង​ម្តង​ៗ តែងតែ​រករឿង​ឈ្លោះប្រកែក​គ្នា​ជាមួយ​គ្រួសារ​គាត់ ក៏​ដូច​ជា​កូនស្រី​​គាត់ ដោយ​មិនដឹង​មូលហេតុ​ច្បាស់លាស់ ​​រហូត​​មាន​កាំភ្លើងខ្លី​មួយ​ដើម​ទៀត មិនដឹង​បាន​មក​ពីណា  ។ នៅមុន​កើតហេតុ​មួយ​ថ្ងៃ ​ប្តី​-ប្រពន្ធ​នោះ​បាន​ឈ្លោះប្រកែក​គ្នា ហើយ​ពួក​គាត់​ជា​ម្តាយ​ឪពុក​បាន​មក​សម្រប​សម្រួលត្រូវ​រ៉ូវ​​គ្នា​វិញ​ហើយ ។ លុះ​មក​ដល់​ថ្ងៃ​កើតហេតុ​នេះ គឺ​​មាន​​​រៀបចំ​កម្មវិធី​ខួបកំណើត​ឱ្យ​​ប្រពន្ធ​ទី​៤​​ហើយ​បាន​អញ្ជើញ​ពួក​គាត់​ជា​ឪពុក​ម្តាយក្មេក​មក​ចូលរួម ដោយសារ​លោកតា​ជា​ឪពុកក្មេក​រវល់​មិន​បាន​មក ក៏​​ជូន​យាយ​មក​តែ​ម្នាក់ឯង ​តាំងពី​ម៉ោង​៣​រសៀលរហូត​ពេល​កម្មវិធី​ចប់កម្មវិធី ។

​កូនប្រសាជាគ្រូ​ផ្សំ​ថ្នាំបានស្រវឹង​​ក៏​រករឿង​ម្តាយ​ក្មេក ​និងប្រពន្ធ​ដូច​រាល់ដង ខណៈ​ពេល​កំពុង​ឈ្លោះប្រកែក​គ្នា លោកយាយ​ក៏​មាន​អាការ​:​មិន​ស្រួលខ្លួន នៅ​ម៉ោង​១​រំលង​អ​ធ្រា​ត្រ​ ​ក៏​បាន​ទូរស័ព្ទ​ហៅ​​​គាត់​និងកូន​គាត់​​ឱ្យ​​មក​យក​គាត់​ទៅ​ពេទ្យ​ផង ព្រោះ​គាត់​មិន​ស្រួលខ្លួន ​។ ខណៈ​​គ្រួសារមក​​​មក​ដល់ បែរជា​កូនប្រសារ​មិន​ព្រម​បើកទ្វារ​ឲ្យ​ចេញ​ទេ ទុក​ឱ្យ​​យាយ​អង្គុយ​នៅ​មាត់ទ្វារ​ស្រែក​ពី​ខាងក្នុង​មក​សុំ​ការ​អន្តរា​គម​ន៍ ជួយ​គាត់​ផង ព្រោះ​គាត់​មិន​ស្រួលខ្លួន​ចង់ទៅ​ពេទ្យ​។

ភ្លាម​ៗ​នោះ​ ក៏​មាន​វត្តមាន​សមត្ថកិច្ច​មូល​ដ្ឋាន​​ចុះ​មក​ជួយ​អន្តរា​គម​ន៍ ​និង​ចរ​ចា​គ្រូ​នោះ​បើកទ្វារ ​តែ​​បាន​យក​លេស​រហូត ម្តង​ថាឱ្យសមត្ថកិច្ច និង​សារព័ត៌មាន​ ចេញ​ឱ្យ​​ឆ្ងាយ​ពី​ផ្ទះ​គាត់ ​ទើប​គាត់​បើកទ្វារ​ឱ្យ​ ។ ដល់​ពួក​​គេ​ចេញ​តាម​ការ​ស្នើ​សុំ​អស់​ជា​ច្រើន​ម៉ោង​ហើយ នៅ​តែ​មិន​ព្រម​បើកទ្វារ​​​ចេញ​មក​ក្រៅ​ទៀត ទើប​សមត្ថកិច្ច​ចូល​ទៅ​និយាយ​ច​រចាម្តងទៀត​ បែរជា​គាត់​ឆ្លើយ​ថា បាត់​កូនសោ​បើកទ្វារ​មិន​បាន​ទេ ។

លោកតា​​​ថា​ កូនប្រសារ​គាត់​ជា​គ្រូ​ផ្សំ​ថ្នាំខ្មែរ​មែន តែ​មាន​អំណាច​ខ្លាំង​គួរសម​ដែរ នៅ​ក្នុង​សង្គម​នេះ​។ការ​ច​រចា​​គ្មាន​ប្រសិទ្ធភាព ហើយ​សមត្ថកិច្ច​ក៏​មិន​អាច​ជួយ​អ្វី​បាន​ គាត់​ក៏​សម្រេចចិត្ត​ចេញ​ទៅ​ផ្ទះ​ទុក​លោកយាយ​ចោល​នៅ​ក្នុងផ្ទះ​នោះ ព្រោះ​មិន​ហ៊ាន​នៅ​ម្នាក់ឯង​ទេ កូនប្រសារ​គាត់​នោះ​មាន​កាំភ្លើង គាត់​ខ្លាច ពី​មុន​ៗ ​មក​ឱ្យ​តែ​ឈ្លោះ​គ្នា គឺ​កូនប្រសារ​នោះ តែងតែ​យក​កាំភ្លើង ចេញ​មក​គំរាម​ពួក​គាត់​រហូត​។ ក្រោយ​កើតហេតុ ​លោកយាយ​ត្រូវ​បានកូន​ស្រី​​​គាត់​បាន​រៀបចំ​កន្លែង​សម្រាក​ឱ្យនៅ​ក្នុងផ្ទះ​នោះ ហើយ​លោកតា​និង​កូន​ៗ ​ក៏​បាន​បើក​ថ​យន្ត​ចេញ​ទៅ​ផ្ទះ​នៅ​ចោម​ចៅ​វិញ​បាត់​​ ។

អត្ថបទសរសេរ ដោយ