រាជធានីភ្នំពេញ ៖ យុវជន២នាក់ ទើបចេញមកពីញុំាអាហារជាមួយមិត្តភក្កិត្រឡប់ទៅវិញ ត្រូវក្រុមក្មេងទំនើងមានគ្នាជាង១០នាក់ ជិះម៉ូតូជិត១០គ្រឿងដេញកាប់យុវជន២នាក់នោះ តែត្រូវបានសមត្ថកិច្ចចេញមកទាន់ចាប់ឃាត់ខ្លួនបានម្នាក់យកទៅសួរនាំនៅប៉ុស្តិ៍ជ្រោយចង្វារ កាលពីវេលាម៉ោង១១និង៣០នាទីយប់ ថ្ងៃទី១១ ខែតុលា…
រាជធានីភ្នំពេញ ៖ យុវជន២នាក់ ទើបចេញមកពីញុំាអាហារជាមួយមិត្តភក្កិត្រឡប់ទៅវិញ ត្រូវក្រុមក្មេងទំនើងមានគ្នាជាង១០នាក់ ជិះម៉ូតូជិត១០គ្រឿងដេញកាប់យុវជន២នាក់នោះ តែត្រូវបានសមត្ថកិច្ចចេញមកទាន់ចាប់ឃាត់ខ្លួនបានម្នាក់យកទៅសួរនាំនៅប៉ុស្តិ៍ជ្រោយចង្វារ កាលពីវេលាម៉ោង១១និង៣០នាទីយប់ ថ្ងៃទី១១ ខែតុលា ឆ្នាំ២០១៨ តាមបណ្តោយផ្លូវមាត់ទន្លេ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញជនរងគ្រោះមួយក្រុមមានគ្នាប្រហែលជា៤ទៅ៥នាក់ បានអង្គុយផឹកស៊ីនៅមុខអូតែលសុខា លុះពេលដែលជនរងគ្រោះផឹកស៊ីរួចរាល់ក៏បំបែកគ្នាទៅផ្ទះរៀងៗខ្លួនហើយជិះរងគ្រោះក៏ជិះមួយមិត្តភក្តិម្នាក់ទៀតជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខកណ្តាល 1U- 7503 បើកបរតាមបណ្តោយផ្លូវក្រោយអូតែលសុខា ប៉ុន្តែភ្លាមៗនោះដែរក៏លេចមុខជនសង្ស័យមួយក្រុមមានគ្នាប្រមាណជា១០នាក់ ជិះម៉ូតូជិត១០គ្រឿង រួមទាំងមានកាំបិតបុ័ងតោនិងខ្សែក្រវ៉ាតដេញកាប់នឹងវ៉ៃ បណ្តាលឲ្យជនរងគ្រោះបើកម៉ូតូរត់ទៅឲ្យគេជួយ ហើយត្រូវបានជនសង្ស័យព្រួតវាយ២ទៅ៣ខ្សែក្រវាត់សំណាងល្អរងរបួសស្រាលបានប្រជាពលរដ្ឋរួមនឹងសមត្ថកិច្ចចេញមកអន្តរាគមន៍ឃាត់ទាន់ពេលវេលានឹងសមត្ថកិច្ចចាប់ក្របួចជាប់ម្នាក់យកទៅសួរនាំនៅប៉ុស្តិ៍ជ្រោយចង្វារ ។
ចំនែកឯម៉ូតូរបស់ជនរងគ្រោះវិញរងការខូចខាតបែកក្របាំងខាងស្តាំ ។ក្រោយពេលកើតហេតុភាគីខាងរងគ្រោះមិនបានដាក់ពាក្យបណ្តឹងនោះទេដោយមិនចង់ឲ្យមានរឿងរាវច្រើន ៕
ចែករំលែកព័តមាននេះ