ខេត្តបាត់ដំបង ៖ កូនសិស្សសាលាបឋមសិក្សា៥០០នាក់បានមកទទួលកាតាប ប៊ិច សៀវភៅ និងរង្វាន់លើកទឹកចិត្តសិស្សពូកែចំនួន៣នាក់ទទួលបានកង់ម្នាក់១គ្រឿងបន្ថែមទៀត មកពីសង្កាត់រតនៈចំនួន៣០០នាក់ សង្កាត់ឪម៉ាល់ចំនួន២០០នាក់ របស់ក្រុមហ៊ុន Metfone តាមរយៈលោក ឯក សំអូន អនុប្រធានក្រុមការងារក្រុងបាត់ដំបង ប្រធានក្រុមការងារសង្កាត់រតនៈ វេលាព្រឹកថ្ងៃទី៦ ខែតុលា ឆ្នាំ២០១៨ នៅគ្នុងសាលាបឋមសិក្សារតនៈ និងឪម៉ាល់ដោយមានការដឹកនាំយកសម្ភារសិក្សាពីលោក ជឿង ស៊ុងប៊ិញ នាយកសាខា ម៉ែតហ្វូនខេត្តបាត់ដំបង ព្រមទាំងសហការី ។
បន្ទាប់ពីនាយកសាលា និងចៅសង្កាត់បានមានមតិស្វាគមន៍ និងថ្លែងអំណរគុណរួចមក លោក ឯក សំអូន បានថ្លែងថា នេះជាចំណែកផ្តល់សម្ភារសិក្សាជួយដល់សិស្ស ដែលជាទំពាំងស្នងឬស្សីកំពុងក្រេបយកចំណេះដឹងនៅក្នុងប្រទេសដែលកំពុងមានសុខសន្តិភាពពិតប្រាកដដោយគ្មានការភ័យខ្លាចអ្វីឡើយ ហើយក៏បានដាស់តឿនបន្ថែមដល់សិស្សទាំងអស់ សូមចៀសវាងឲ្យឆ្ងាយ ហើយកុំប៉ះពាល់សាកល្បងជាមួយគ្រឿងញៀនឲ្យសោះ ព្រោះវាអាចបំផ្លាញ សព្វគ្រប់ និងនាំឲ្យអន្តរាយនៅពេអនាគត់ផងដែរ ។
បន្ទាប់មកលោក ហាត់ អូត អនុប្រថានសាខាក្រុមហ៊ុនមែតហ្វូនបានថ្លែងថា នេះជាមោទនៈភាពរបស់ក្រុមហ៊ុន ដែលពេញចិត្តជួយជំរុញលើកស្ទួយផ្តល់ចំណេះដឹងដល់សិស្សានុសិស្សដោយរួមសហការជាមួយកងទ័ពយោធភូមិភាគទី៥ ហើយផ្តល់ជំរុញរៀបចំដោយក្រុមការងារចុះជួយប្រជាពលរដ្ឋក្នុងក្រុងបាត់ដំបង ។
ចុងក្រោយកូនសិស្សទាំងអស់៥០០នាក់ ដែលក្នុងម្នាក់ៗទទួលបាន កាតាប១ ប៊ិច១ សៀវភៅ៣ក្បាល ដោយឡែកសិស្សពូកែចំនួន៣នាក់ ទទួលបាន កងបន្ថែមម្នាក់១គ្រឿងទៀតផងដែរ ៕
ចែករំលែកព័តមាននេះ