ខេត្តតាកែវ ៖ ជនសង្ស័យជាប្តីម្នាក់ត្រូវស្ត្រីរងគ្រោះជាប្រពន្ធប្តឹងសមត្ថកិច្ចអោយចាប់ខ្លួនរួចកសាងសំណុំរឿងបញ្ជូនទៅតុលាការកាត់ទោសទៅច្បាប់ ពេលដែលជនសង្ស័យបានផឹកស្រាស្រវឹងរួចពេលចូលមកដល់ផ្ទះក៏ធ្វើសកម្មភាពវាយធ្វើបាបស្ត្រីជាប្រពន្ធអោយរងរបួសធ្ងន់ ។ ហេតុការនេះបានកើតឡើងកាលពីម៉ោង ៣និង៣០នាទីរសៀលថ្ងៃទី៤ តុលា ២០១៨ នៅចំណុចភូមិ ព្រៃឈើទាល ឃុំឧត្តមសូរិយា ស្រុកត្រាំកក់ ខេត្តតាកែវ ។
លោកវរសេនីឯក ឌុក ធីយ៉ា អធិការនគរបាលស្រុកត្រាំកក់ បានអោយដឹងថា ករណីហិង្សាក្នុងគ្រួសារបង្កឡើងដោយជនសង្ស័យឈ្មោះ អិត បូរ៉ា ភេទ ប្រុស អាយុ៣៦ឆ្នាំ ត្រូវជាប្តី រស់នៅភូមិឃុំកើតហេតុខាងលើ ចំណែកជនរងគ្រោះជាប្រពន្ធឈ្មោះ ចាន់ សាត អាយុ៣៥ឆ្នាំ បានរងរបួសធ្ងន់ ។
លោកវរសេនីឯក ឌុក ធីយ៉ា អធិការនគរបាលស្រុកត្រាំកក់ បានអោយដឹងថា ករណីហិង្សាក្នុងគ្រួសារបង្ករឡើងដោយជនសង្ស័យជាប្តីបានយកកៅអីជ័រវាយ និងដាល់ជាច្រើនដៃទៅលើប្រពន្ធ បណ្ដាលអោយរយះដេរលើភ្នែកខាងស្ដាំ ចំនួន៤ថ្នេរ រយះក្រោមភ្នែកស្ដាំដេរចំនួន៣ថ្នេរ ហើមភ្នែកខាងស្តាំ និងរយះកំភួនដៃឆ្វេងបានបញ្ជូនទៅមន្ទីរពេទ្យបង្អែកខេត្តតាកែវ។
លោកអធិការនគរបាលស្រុកបានបន្តទៀតថា មុនពេលកើតហេតុជនសង្ស័យបានផឹកស្រាជាមួយអ្នកក្នុងភូមិជាមួយក្រៅផ្ទះលុះដល់ពេលត្រឡប់ចូលមកផ្ទះវិញស្រវឹងជោកក៏បានរករឿងជេបញ្ជោប្រពន្ធ ហើយប្រពន្ធក៏តបវិញ រួចបុរសជាប្តីក៏បានទាញកៅអីវាយទៅលើប្រពន្ធនឹងដល់មុខជាច្រើនដៃធ្វើអោយស្ត្រី បណ្តាលឱ្យជនរងគ្រោះជាប្រពន្ធរងរបួសធ្ងន់ធ្ងរ ត្រូវបានគេបញ្ជូនទៅមន្ទីរពេទ្យ ចំណែកជនសង្ស័យជាប្តីត្រូវសមត្ថកិច្ចឃាត់ខ្លួន ។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានផឹកស្រា រួចវាយធ្វើបាបប្រពន្ធពិតប្រាកដមែន ។
បច្ចុប្បន្ន ជនសង្ស័យត្រូវបានប៉ូលិសការិយាល័យព្រហ្មទណ្ទកំរិតស្រាលខេត្តកំពុងកសាងសំណុំរឿងបញ្ជូនទៅសាលាដំបូងខេត្តចាត់ការទៅតាមច្បាប់ ៕
ចែករំលែកព័តមាននេះ