រាជធានីភ្នំពេញ ៖ ក្រុមប្រឹក្សារាជធានីភ្នំពេញអាណត្តិទី២ បានបើកកិច្ចប្រជុំសាមញ្ញលើកទី៥៣របស់ខ្លួននាព្រឹកថ្ងៃទី៤តុលា ដើម្បីពិភាក្សា និងអនុមត័របាយការណ៏ការងាររបស់រដ្ឋបាលរាជធានីភ្នំពេញ និងការងារបច្ចុប្បន្នភាពស្តីពីការអភិវឌ្ឍន៏រាជធានីភ្នំពេញ។ ក្រៅពីរបៀបវារៈដែលបានគ្រោងទុក សមាជិកក្រុមប្រឹក្សារាជធានីភ្នំពេញ បានថ្លែងកោតសរសើរ…
រាជធានីភ្នំពេញ ៖ ក្រុមប្រឹក្សារាជធានីភ្នំពេញអាណត្តិទី២ បានបើកកិច្ចប្រជុំសាមញ្ញលើកទី៥៣របស់ខ្លួននាព្រឹកថ្ងៃទី៤តុលា ដើម្បីពិភាក្សា និងអនុមត័របាយការណ៏ការងាររបស់រដ្ឋបាលរាជធានីភ្នំពេញ និងការងារបច្ចុប្បន្នភាពស្តីពីការអភិវឌ្ឍន៏រាជធានីភ្នំពេញ។
ក្រៅពីរបៀបវារៈដែលបានគ្រោងទុក សមាជិកក្រុមប្រឹក្សារាជធានីភ្នំពេញ បានថ្លែងកោតសរសើរ និងឯកភាពទៅលើចំណាត់ការ និងវិធានការរបស់រដ្ឋបាលរាជធានីភ្នំពេញលើបញ្ហាទប់ស្កាត់ឡានធំមិនឲ្យចូលក្រុងពេលថ្ងៃ បញ្ហារៀបចំសណ្តាប់ធ្នាប់តាមដងផ្លូវនានា ក៏ដូចទីប្រជុំផ្សារ និងការដោះស្រាយបញ្ហាកកស្ទះចរាចរក្នុងក្រុងជាដើម ។
ទោះបីយ៉ាងណា បញ្ហានៅតែកើតមាន ដូចជាការយកទ្រូងផ្លូវធ្វើជាទីតាំងលក់ដូរ ឬចតយានយន្តបែបអនាធិបតេយ្យធ្វើឲ្យទំហំផ្លូវរួមតូច បង្កការកកស្ទះចរាចរធ្ងន់ធ្ងរ និងបានទទួលស្គាល់បញ្ហាចរាចរណ៍នាពេលបច្ចុប្បន្នជាបន្ទុកធ្ងន់ធ្ងរសំរាប់រាជធានីភ្នំពេញដែលត្រូវយកចិត្តទុកដាក់ដោះស្រាយ។
លោក ម៉ប់ សារិន ប្រធានក្រុមប្រឹក្សារាជធានីភ្នំពេញក៏បានថ្លែងកោតសរសើរផងដែរចំពោះការខិតខំប្រឹងប្រែង របស់រដ្ឋបាលរាជធានីភ្នំពេញ ។
លោកបានបញ្ជាក់ថា ការងារកែទំរង់របស់រាជរដ្ឋាភិបាលកំពុងដើរចូលកាន់តែជ្រៅទៅក្នុងបេះដូង និងក្រពះប្រជាពលរដ្ឋយើង ជាពិសេសគោលនយោបាយគាំពារសង្គម។
ក្នុងនាម លោក ឃួង ស្រេង អភិបាលនៃគណៈអភិបាលរាជធានីភ្នំពេញ លោក កើត ឆែ បានលើកឡើងថា រដ្ឋបាលរាជធានីភ្នំពេញមានផេក (Page) រដ្ឋបាលរាជធានីភ្នំពេញដែលទទួលយកព័ត៏មានពីប្រជាពលរដ្ឋ លើបញ្ហាផ្សេងៗរួមទាំងផេក (Page) ផ្លូវការរបស់សម្តេចអគ្គមហាសេនាបតីតេជោហ៊ុន សែន ផងដែរ ។
លោក កើត ឆែ បន្តថា រដ្ឋបាលរាជធានីភ្នំពេញបានចេញអាជ្ញាបណ្ណ័ឲ្យម្ចាស់អាជីវកម្មដ្ឋានគឺត្រឹមត្រូវ តែសំខាន់អ្នកអនុវត្តមិនបានត្រឹមត្រូវ ។
រដ្ឋបាលរាជធានីភ្នំពេញមិនបានអនុញ្ញាតឲ្យមានការលក់ដូរលើទ្រូងផ្លូវនោះទេ ហើយនៅពេលខាងមុខនេះរដ្ឋបាលរាជធានីភ្នំពេញនឹងកោះប្រជុំជាមួយអាជ្ញាធរខណ្ឌទាំង១២និងផ្នែកពាក់ពន្ធ័ទៅលើការពង្រឹងការរៀបចំសណ្តាប់ធ្នាប់តាមដងផ្លូវ ក្រោយពីយើងបានរៀបចំសណ្តាប់ធ្នាប់ទទួលបានលទ្ធផលល្អប្រសើរលើដងផ្លូវសំខាន់ៗទាំង១១ខ្សែក្នុងក្រុងកន្លងមក៕
ចែករំលែកព័តមាននេះ