រកឃើញសារធាតុបូរ៉ាក់ក្នុងងៀតត្រីបបែលជាច្រើនគីឡូក្រាមកំពុងដាក់លក់លើទីផ្សារ
- ស្វាយរៀង
ខេត្តស្វាយរៀង ៖ នៅក្នុងឱកាសបុណ្យភ្ជុំបិណ្ឌនេះសាខាកាំកុងត្រូលខេត្តស្វាយរៀងបានចុះពិនិត្យទំនិញគ្រប់ប្រភេទដើម្បីរកសារធាតុគីមីដែលច្បាប់ហាមឃាត់ដែលដាក់នៅលើបន្លែផ្លែឈើ ត្រីសាច់ និងគ្រឿងឧបភោគបរិភោគផ្សេងៗនៅផ្សារវាលយន្ត ក្រុងស្វាយរៀង។ ពេលនោះដែរ សមត្ថកិច្ចបានរកឃើញសារធាតុបូរ៉ាក់ដែលត្រូវបានអ្នកផលិតដាក់ក្នុងងៀតត្រីបបែលផ្អែមស្រស់ចំនួន១៥គីឡូក្រាម។ សមត្ថកិច្ចជំនាញបានដកហូតនិងបានធ្វើកិច្ចសន្យាដោយមិនឱ្យអាជីវករដាក់លក់តទៅទៀត។ លោកផឹង…
ពេលនោះដែរ សមត្ថកិច្ចបានរកឃើញសារធាតុបូរ៉ាក់ដែលត្រូវបានអ្នកផលិតដាក់ក្នុងងៀតត្រីបបែលផ្អែមស្រស់ចំនួន១៥គីឡូក្រាម។ សមត្ថកិច្ចជំនាញបានដកហូតនិងបានធ្វើកិច្ចសន្យាដោយមិនឱ្យអាជីវករដាក់លក់តទៅទៀត។
លោកផឹង និល ប្រធានសាខាកាំត្រូលខេត្តស្វាយរៀងបានឲ្យដឹងថា នៅព្រឹកថ្ងៃទី៣ ខែតុលា ឆ្នាំ២០១៨នេះ មន្ត្រីជំនាញបានចុះពិនិត្យទំនិញគ្រប់មុខនៅផ្សារវាលយន្តក្រុងស្វាយរៀងដើម្បីរកសារធាតុគីមីដាក់ក្នុងមុខទំនិញដោយបានរកឃើញសារធាតុគីមីប៉ូរាក់ដាក់ក្នុងងៀតត្រីបបែលចំនួន១៥គីឡូក្រាម។ លោកថា អ្នកដែលបរិភោគងៀតមានសារធាតុនេះធ្វើឲ្យប៉ះពាល់ដល់សុខភាពដូចជាខូចក្រពះពោះវៀនខូចក្រលៀននិងអាចបង្កឲ្យបែកឈាមតាមរោមយ៉ាងធ្ងន់ធ្ងរទៀតផង។
លោកផឹងនិលបានបញ្ជាក់ថា ការចុះពិនិត្យទំនិញនេះមន្ត្រីជំនាញបានពិនិត្យមុខទំនិញជាច្រើនមុខ ដោយបានផ្តោតសំខាន់ទៅលើបន្លែ ផ្លែឈើ ត្រីសាច់ គ្រឿងឧបភោគ បរិភោគប្រចាំថ្ងៃ ហើយបានណែនាំដល់អ្នកលក់ ត្រូវបញ្ឈប់ដាក់លក់ជាបន្ទាន់ រាល់ប្រភេទងៀតបបែលដែលផ្ទុកសារធាតុគីមីនេះ។
ប្រធានសាខារូបនេះ ក៏បានអំពាវដល់ប្រជាពលរដ្ឋទាំងអស់នៅខេត្តស្វាយរៀងសូមមានការប្រយ័ត្នចំពោះការបរិភោគចំណីអាហារ ត្រូវពិនិត្យមើលស្លាកសញ្ញាការបរិច្ឆេទឲ្យបានច្បាស់លាស់មុននឹងទិញយកទៅបរិភោគជាពិសេសនៅក្នុងឱកាសបុណ្យភ្ជុំបិណ្ឌនិងត្រូវចូលរួមលើកកម្ពស់សុខុមាលភាពទាំងអស់គ្នា ហើយមន្ត្រីកាំកុងត្រូលនិងបន្តចុះតាមច្រករបៀងព្រមទាំងពិនិត្យទំនិញ នៅតាមផ្សារនានានៅក្នុងខេត្តស្វាយរៀងឲ្យបានដូចភ្លៀងរលឹម៕
ចែករំលែកព័តមាននេះ