ខេត្តកំពត ៖ ប្រភពព័ត៌មានពីនគរបាលសណ្តាប់ធ្នាប់ក្រុងបានឲ្យដឹងថា មានបុរសជាជនបរទេសវ័យចំណាស់ម្នាក់បានជិះម៉ូតូមួយគ្រឿងម៉ាកអ៊ែប្លែត ពណ៌ខ្មៅ ពាក់ស្លាកលេខ ភ្នំពេញ ១BK-៦១៨២ បានជិះចេញពីផ្ទះរបស់ខ្លួនដែលស្នាក់នៅក្នុងភូមិតាដឹប សង្កាត់អណ្តូងខ្មែរ…
ខេត្តកំពត ៖ ប្រភពព័ត៌មានពីនគរបាលសណ្តាប់ធ្នាប់ក្រុងបានឲ្យដឹងថា មានបុរសជាជនបរទេសវ័យចំណាស់ម្នាក់បានជិះម៉ូតូមួយគ្រឿងម៉ាកអ៊ែប្លែត ពណ៌ខ្មៅ ពាក់ស្លាកលេខ ភ្នំពេញ ១BK-៦១៨២ បានជិះចេញពីផ្ទះរបស់ខ្លួនដែលស្នាក់នៅក្នុងភូមិតាដឹប សង្កាត់អណ្តូងខ្មែរ ក្រុងកំពត ខេត្តកំពត សំដៅមកក្រុងកំពតកាលពីវេលាម៉ោងប្រហែលជា១រំលងអាធ្រាត្រថ្ងៃទី១ ខែតុលា ឆ្នាំ ២០១៨ លុះមកដល់ចំណុចទល់មុខដីរបស់លោក យី គា ក៏បានដួលម៉ូតូ ហើយស្លាប់នៅនឹងកន្លែងកើតហេតុតែម្តង។
សមត្ថកិច្ចដដែលបានបន្តថា ដោយយោងតាមការពិនិត្យ និងធ្វើកោសល្យវិច័យរបស់សមត្ថកិច្ចជំនាញ និងក្រុមគ្រូពេទ្យបង្អែកខេត្តកំពតបានឲ្យដឹងថាៈ ជនជាតិបរទេសម្នាក់ឈ្មោះ PETER BUTTERWORT ភេទប្រុស អាយុ៦៨ឆ្នាំ ជាជនជាតិអាមេរិក ស្នាក់នៅភូមិតាដឹប សង្កាត់អណ្តូងខ្មែរ ក្រុងកំពត ពិតជាខ្យល់គរួចដួលម៉ូតូស្លាប់ដោយខ្លួនឯងពិតប្រាកដមែន។
ក្រោយពីសមត្ថកិច្ចជំនាញនិងក្រុមគ្រូពេទ្យពិនិត្យរួចរាល់ បានប្រគល់សពឲ្យនគរបាលអន្តោប្រវេសន៍ដើម្បីទំនាក់ទៅស្ថានទូតឲ្យមកទទួលសពជនបរទេសរូបនេះដើម្បីបញ្ជូនឲ្យក្រុមគ្រួសារមកទទួលយកទៅធ្វើបុណ្យតាមប្រពៃណី៕
ចែករំលែកព័តមាននេះ