ខេត្តកំពង់ចាម៖ ភ្លើងទៀនអុជនៅក្នុងព្រះវិហារវត្តស្រង៉ែ ឃុំស្រង៉ែ ស្រុកព្រៃឈរ បានបង្កជាអគ្គីភ័យ ឆាបឆេះមានផ្សែងហុយឡើងទ្រលោម បណ្តាលឲ្យភ្ញាក់ផ្អើលពេញវត្ត ដែលហេតុការណ៍នោះបានកើតឡើងកាលពីវេលាម៉ោង៤និង៥៥នាទីរសៀលថ្ងៃទី២៨ កញ្ញា ២០១៨…
ខេត្តកំពង់ចាម៖ ភ្លើងទៀនអុជនៅក្នុងព្រះវិហារវត្តស្រង៉ែ ឃុំស្រង៉ែ ស្រុកព្រៃឈរ បានបង្កជាអគ្គីភ័យ
ឆាបឆេះមានផ្សែងហុយឡើងទ្រលោម បណ្តាលឲ្យភ្ញាក់ផ្អើលពេញវត្ត ដែលហេតុការណ៍នោះបានកើតឡើងកាលពីវេលាម៉ោង៤និង៥៥នាទីរសៀលថ្ងៃទី២៨ កញ្ញា ២០១៨ តែមិនបណ្តាលឲ្យឆេះរាលដាលមាន
លក្ខណៈធ្ងន់ធ្ងរនោះទេ ព្រោះបានរថយន្តពន្លត់អគ្គីភ័យចំនួន២គ្រឿង ចេញទៅជួយអន្តរាគមន៍បាញ់ទឹក
ពន្លត់ទាន់ពេលវេលា ។
លោកវរសេនីយ៍ឯក កែវ ស៊ាងហ៊ន់ អធិការនគរបាលស្រុកព្រៃឈរ ឲ្យដឹងថា ក្នុងពេលដែលមានអគ្គីភ័យកើតឡើងនោះ ត្រូវបានចៅអធិការវត្តស្រង៉ែ បានទូរស័ព្ទមកសុំរថយន្តពន្លត់អគ្គីភ័យដើម្បីឲ្យចេញទៅជួយអន្តរាគមន៍បាញ់ទឹកពន្លត់ ។
គ្រាន់តែទទួលបាននូវព័ត៌មានខាងលើនេះភ្លាម លោកបានដឹកនាំរថយន្ត១គ្រឿង ដែលនៅប្រចាំការ២៤ម៉ោងលើ២៤ម៉ោង ចេញទៅពន្លត់ជាបន្ទាន់ផងដែរ ។
លោកអធិការនគរបាលស្រុកព្រៃឈរ បន្តថា ដោយសារចំងាយផ្លូវនៅឆ្ងាយផងនោះ លោកឧត្តមសេនីយ៍
ទោ ឯម កុសល ស្នងការនគរបាលខេត្ត បានឲ្យរថយន្តពន្លត់អគ្គីភ័យរបស់អធិការដ្ឋាននគរបាល ស្រុក
ជើងព្រៃ១គ្រឿងចេញមកជួយបាញ់ទឹកដែរ ។
ដោយមានកិច្ចសហការជាមួយនឹងនគរបាលមូលដ្ឋានរួមទាំងពុទ្ធបរិស័ទចំណុះជើងវត្ត នោះដោយបាញ់ទឹកអស់ចំនួន២រថយន្ត បានធ្វើឲ្យភ្លើងរលត់ជាស្ថាពរ។
ក្នុងករណីអគ្គិភ័យឆាបឆេះព្រះវិហារខាងលើនេះ បណ្តាលឲ្យរងការខូចខាតមានដូចជា សម្ភារៈតុបតែង
បល្ល័ង្កព្រះ ខូចខាតផ្ទាំងគំនូពិដានមួយចំនួន ខូចខាតការ៉ូមួយចំនួន និងសម្ភារៈមួយចំនួនទៀត មិនបណ្តាលឲ្យមានគ្រោះថ្នាក់មកដល់មនុស្សណាម្នាក់នោះទេ ។
មូលហេតុដែលបង្កឲ្យមានអគ្គីភ័យនេះដោយសារតែមិនមានអ្នកនៅមើល ទើបភ្លើងទៀនបានឆេះរាល
ដាលបង្កឲ្យមានអគ្គីភ័យខាងលើ ចំពេលដាក់បិណ្ឌទី៤ផងដែរ ៕
ចែករំលែកព័តមាននេះ