ឱ្យរាង…លួចនោះលួច
- បាត់ដំបង
ខេត្តបាត់ដំបង ៖ សមត្ថកិច្ចបានឱ្យដឹងថា យុវជនម្នាក់ត្រូវកម្លាំងសមត្ថកិច្ចឃាត់ខ្លួន កាលវេលាម៉ោង០៧ និង៣០នាទីព្រឹកថ្ងៃទី២៩ កញ្ញា ស្ថិតនៅភូមិព្រៃទទឹង ឃុំជ្រៃ ស្រុកថ្មគោល…
ខេត្តបាត់ដំបង ៖ សមត្ថកិច្ចបានឱ្យដឹងថា យុវជនម្នាក់ត្រូវកម្លាំងសមត្ថកិច្ចឃាត់ខ្លួន កាលវេលាម៉ោង០៧ និង៣០នាទីព្រឹកថ្ងៃទី២៩ កញ្ញា ស្ថិតនៅភូមិព្រៃទទឹង ឃុំជ្រៃ ស្រុកថ្មគោល ក្រោយពីសង្ស័យថា បានលួចយកម៉ូតូម៉ាកគុបកញ្ចាស់មួយគ្រឿងរបស់អ្នកភូមិ។
ជនសង្ស័យនោះឈ្មោះរិ ថុនា ប្រុសអាយុ២១ឆ្នាំ រស់រស់នៅភូមិ-ឃុំ កើតហេតុខាងលើ។ បើតាមប្រភពបានឱ្យដឹងថា ជនសង្ស័យរូបនេះ ត្រូវកម្លាំងនគរបាលស្រុកថ្មគោលឃាត់ខ្លួន ក្រោយពីមានសេចក្ដីរាយការណ៍ថា បានធ្វើសកម្មភាពលួចយកម៉ូតូមួយគ្រឿង ដែលជារបស់លោកតាវ័យ៧៧ឆ្នាំម្នាក់ ឈ្មោះអ៊ួចដុស កាលពីវេលាម៉ោង៤ទៀបភ្លឺ ថ្ងៃទី២៩ កញ្ញា ដែលគាត់ទុកនៅក្បែរផ្ទះ ស្ថិតក្នុងភូមិ-ឃុំជាមួយគ្នា។
សមត្ថកិច្ចបានប្រាប់ថា ម៉ូតូនោះ ម៉ាកហុងដាគុបស៊េរីចាស់ ពណ៌ទឹកប៊ិច គ្មានស្លាកលេខទេ តែមានលេខតួ និងលេខម៉ាស៊ីន DH 88XE 1129669។ ពេលនេះ មន្ត្រីជំនាញនៃអធិការស្រុកថ្មគោល កំពុងសួរនាំជនសង្ស័យ ដើម្បីកសាងសំណុំរឿងបញ្ជូនបន្តទៅស្នងការចាត់ការតាមនីតិវិធីហើយ៕
ចែករំលែកព័តមាននេះ