ខេត្តកំពង់ស្ពឺ ៖ ជាងផ្ទះវ័យចំណាស់ម្នាក់បានទៅធ្វើផ្ទះឲ្យអ្នកភូមិស្រាប់តែជួបគ្រោះថ្នាក់នៅពេលលើកទរទឹកឡើងលើដំបូលប៉ះខ្សែភ្លើងដែលគេរាយនៅមុខផ្ទះបណ្តាលឲ្យឆក់ស្លាប់ភ្លាមៗមួយរំពេច ។ ហេតុការណ៍នេះបានកើតឡើងនៅម៉ោង៩និង១០នាទីព្រឹក ថ្ងៃទី២០ ខែកញ្ញា ឆ្នាំ២០១៨ ស្ថិតក្នុងភូមិជន្លង់ម្លូ ឃុំព្រៃរំដួល…
ខេត្តកំពង់ស្ពឺ ៖ ជាងផ្ទះវ័យចំណាស់ម្នាក់បានទៅធ្វើផ្ទះឲ្យអ្នកភូមិស្រាប់តែជួបគ្រោះថ្នាក់នៅពេលលើកទរទឹកឡើងលើដំបូលប៉ះខ្សែភ្លើងដែលគេរាយនៅមុខផ្ទះបណ្តាលឲ្យឆក់ស្លាប់ភ្លាមៗមួយរំពេច ។ ហេតុការណ៍នេះបានកើតឡើងនៅម៉ោង៩និង១០នាទីព្រឹក ថ្ងៃទី២០ ខែកញ្ញា ឆ្នាំ២០១៨ ស្ថិតក្នុងភូមិជន្លង់ម្លូ ឃុំព្រៃរំដួល ស្រុកភ្នំស្រួច ខេត្តកំពង់ស្ពឺ ។
ជនរងគ្រោះឈ្មោះ ឡុង ឌឿន ភេទប្រុស អាយុ៥៨ឆ្នាំ មុខរបរជាងផ្ទះ រស់នៅភូមិព្រៃរមៀត ឃុំព្រៃរំដួល ស្រុកភ្នំស្រួច ចំណែកម្ចាស់ផ្ទះឈ្មោះ ប៉ុន តូច ភេទស្រី អាយុ៣៥ឆ្នាំ រស់នៅភូមិកើតហេតុខាងលើ ។
ប្រភពព័ត៌មានពីម្ចាស់ផ្ទះក្នុងភូមិកើតហេតុបានប្រាប់សមត្ថកិច្ចថា មុនពេលកើតហេតុគាត់បានជួលជនរងគ្រោះឲ្យមកធ្វើផ្ទះឲ្យគាត់ ខណៈកំពុងធ្វើជនរងគ្រោះបានលើកទរទឹកចាបភ្ជាប់លើដំបូលផ្ទះ ស្រាប់តែចៃដន្យទរបានប៉ះនឹងខ្សែភ្លើងស្រាតដែលគេរាយលើបង្គោលនៅខាងមុខផ្ទះគាត់បណ្តាលឲ្យឆក់ជនរងគ្រោះធ្លាក់ពីលើដំបូលកម្ពស់៦ម៉ែត្រមកដល់ដីដាច់ខ្យល់ស្លាប់ភ្លាមនៅកន្លែងកើតហេតុ ។
ក្រោយកើតហេតុម្ចាស់ផ្ទះបានរាយការណ៍ប្រាប់សមត្ថកិច្ចឲ្យចុះមកពិនិត្យសាកសពហើយបញ្ជាក់ថា ជនរងគ្រោះពិតជាស្លាប់ដោយសារចរន្តអគ្គិសនីឆក់ពិតមែន ។ សពត្រូវសមត្ថកិច្ចប្រគល់ឲ្យក្រុមគ្រួសារយកទៅផ្ទះចាត់ចែងធ្វើបុណ្យតាមប្រពៃណី ៕
ចែករំលែកព័តមាននេះ