សម្តេច ស ខេ​ង ៖ ក្រុម​អ្នកប្រឆាំង​កំពុង​ធ្វើ​ឲ្យ​ហិនហោច​និង​អន្តរាយ​លទ្ធិប្រជាធិបតេយ្យ​នៅ​កម្ពុជា


រាជធានី​ភ្នំពេញ ៖ ក្រុមប្រឆាំង​បាន​កំពុង​តែ​ធ្វើ​ឲ្យ​ហិនហោច និង​អន្តរាយ​ដល់​ដំណើរការ​លទ្ធិ​ប្រជាធិបតេយ្យ​នៅ​ក្នុង​ប្រទេស​កម្ពុជា ។ នេះ​បើ​តាម​ការ​អះអាង​របស់​អនុប្រធាន​គណបក្ស​ប្រជាជន​កម្ពុជា ។

សម្តេច​ក្រឡាហោម ស ខេ​ង ឧ​បក​នាយក​រដ្ឋមន្ត្រី រដ្ឋមន្ត្រី​ក្រសួងមហាផ្ទៃ និង​ជា​អនុប្រធាន​គណបក្ស​ប្រជាជន​កម្ពុជា​បាន​អះអាង​ថា រាជរដ្ឋាភិបាល​កម្ពុជា​ដែល​ដឹកនាំ​ដោយ​គណបក្ស​ប្រជាជន​កម្ពុជា​បាន​ប្រតិបត្តិ​យ៉ាង​ខ្ជាប់​ខ្ជូ​ន​នូវ​ដំណើរ​លទ្ធិប្រជាធិបតេយ្យ ។

សម្តេច​ក្រឡាហោម ស ខេ​ង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ និង​ជា អនុប្រធាន​គណ​បក្ស​ប្រជាជន​កម្ពុជា បាន​ថ្លែង​បញ្ជាក់​ច្បាស់​ថា រហូត​មក​ដល់​ពេល​នេះ​មាន​តែ​គណបក្ស​ប្រជាជន​កម្ពុជា​ទេ​ដែល​មាន​បំណង​ពិតប្រាកដ​ក្នុង​ការ​ស្តារ​ឡើង​វិញ​នូវ​របប​រាជាធិបតេយ្យ​អាស្រ័យ​រដ្ឋធម្ម​នុញ្ញ និង​អនុវត្ត​យ៉ាង​ជាក់លាក់​នៃ​ដំណើរការ​លទ្ធិ​ប្រជាធិបតេយ្យ​នៅ​ក្នុង​ប្រទេស​កម្ពុជា​ឲ្យ​កាន់តែ​ល្អ​ប្រសើរ​ឡើង ។

ថ្លែង​ក្នុង​ពិធី​កិច្ចប្រជុំ​បូក​សរុប​សកម្មភាព និង​លទ្ធផល​នៃ​ការ​បោះ​ឆ្នោត​ជ្រើសតាំង​តំណាងរាស្ត្រ​នីតិកាល​ទី​៦ និង​ទិស​ដៅ​ភារកិច្ច​អនុវត្ត​បន្ត​កាលពី​ពេល​ថ្មី​កន្លង​មកនេះ​សម្ដេច​ក្រឡាហោម ស ខេ​ង បាន​បញ្ជាក់​ថា ការ​ប្រតិបត្តិ​នូវ​ដំណើរការ​លទ្ធិ​ប្រជាធិបតេយ្យ​នៅ​កម្ពុជា​គឺជា​បំណង​ពិតប្រាកដ​ជាក់លាក់​នូវ​គោលនយោបាយ​របស់​គណបក្ស​ប្រជាជន​កម្ពុជា ដូច្នេះហើយ​ទើប​គណ បក្ស​ប្រជាជន​កម្ពុ​ជានា​ពេល​កន្លង​មក​តែង​បាន​ខិតខំ​រិះរក​គ្រប់​វិធី​គ្រប់​បែប​យ៉ាង​ដើម្បី​ការ​បង្រួបបង្រួម​ជាតិ និង​ឲ្យ​មានការ​ដំណើរការ​នូវ​លទ្ធិ​ប្រជាធិបតេយ្យ​នៅ​កម្ពុជា​ឲ្យ​កាន់​ប្រសើរ​ឡើង ។

សម្តេច​ក្រឡាហោម​បាន​គូសបញ្ជាក់​ថា ៖«​មជ្ឈដ្ឋាន​ប្រឆាំង​ខ្លះ​បាន​ចោទប្រកាន់​គណបក្ស​ប្រជា​ជន​កម្ពុជា​ដែល​ដឹកនាំ​រាជរដ្ឋាភិបាល​បាន​ធ្វើ​ឲ្យ​លទ្ធិ​ប្រជាធិបតេយ្យ​នៅ​កម្ពុជា​ថមថយ​តាម​ពិត​ក្រុម​មួយ​ចំនួន​តូច​ដែល​ជា​អ្នកប្រឆាំង​នោះ​ទេ​ដែល​បាន​ធ្វើ​សកម្មភាព​រួច​ហើយនឹង​កំពុង​ធ្វើ​តទៅ​ទៀត​ក្នុង​បំណង​ឲ្យ​ហិនហោច និង​អន្តរាយ​ដល់​ដំណើរការ​លទ្ធិប្រជាធិបតេយ្យ​នៅ​កម្ពុជា​» ៕

Facebook Google Twitter Email

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ