រាជធានីភ្នំពេញ ៖ ទីតាំងស្តុកថ្នាំបាញ់សម្លាប់ស្មៅគ្រប់ប្រភេទ បានត្រូវកម្លាំងនគរបាលចម្រុះរបស់គណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គមនៃក្រសួងមហាផ្ទៃ ចុះបង្ក្រាបដោយជាប់សង្ស័យថា ផលិតផលទាំងនោះខូចគុណភាពហួសកាលបរិច្ឆេទ ហើយត្រូវបានម្ចាស់ក្លែងបន្លំបកហែកស្លាកចោល រួចបិទកាលបរិច្ឆេទបន្លំថ្មី…
រាជធានីភ្នំពេញ ៖ ទីតាំងស្តុកថ្នាំបាញ់សម្លាប់ស្មៅគ្រប់ប្រភេទ បានត្រូវកម្លាំងនគរបាលចម្រុះរបស់គណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គមនៃក្រសួងមហាផ្ទៃ ចុះបង្ក្រាបដោយជាប់សង្ស័យថា ផលិតផលទាំងនោះខូចគុណភាពហួសកាលបរិច្ឆេទ ហើយត្រូវបានម្ចាស់ក្លែងបន្លំបកហែកស្លាកចោល រួចបិទកាលបរិច្ឆេទបន្លំថ្មី ដើម្បីយកទៅចែកចាយនៅទីផ្សារ ។
ការបង្ក្រាបផលិតផលខូចគុណភាពនេះ ធ្វើឡើងកាលពីវេលាម៉ោង១និង៣០នាទីរសៀលថ្ងៃទី២២ ខែកញ្ញាកន្លងទៅ នៅឃ្លាំងស្តុកថ្នាំកសិកម្មមួយកន្លែង តាមផ្លូវបេតុង២៨គ្រួសារ ភូមិរោងចក្រ សង្កាត់គោកឃ្លាង ខណ្ឌសែនសុខ ។ ប្រតិបត្តិការនេះ ដឹកនាំដោយលោកឧត្តមសេនីយ៍ទោ ទូច យុទ្ធា អនុប្រធានលេខាធិការដ្ឋាននៃគណៈកម្មាា ាាាាធិការប្រយុទ្ធប្រឆាំងផលិតផលក្លែងក្លាយដែលគ្រោះថ្នាក់មានហានិភ័យខ្ពស់ដល់
សុខភាព និងសុវត្ថិភាពសង្គម នៃក្រសួងមហាផ្ទៃ និងមានការសម្របសម្រួលពីលោក ងិន ពេជ្រព្រះរាជអាជ្ញារងអមសាលាដំបូងរាជធានីភ្នំពេញ ។
នៅក្នុងការឆែកឆេរ សមត្ថកិច្ចបានរកឃើញ ថ្នាំកសិកម្មជាង៥០មុខដែលថ្នាំខ្លះខូចគុណភាពហួសកាលបរិច្ឆេទ ហើយត្រូវបានម្ចាស់ក្លែងបន្លំដោយបកហែកស្លាកចោល រួចបិទកាលបរិច្ឆេទថ្មី ដើម្បីចែកចាយនៅទីផ្សារដែលបង្កឲ្យមានផលប៉ះពាល់ទាំងសុខភាពមនុស្ស ទាំងផលដំណាំ ។ តាមព័ត៌មានឲ្យដឹងថា បន្ទាប់ពីរកឃើញថ្នាំខូចគុណភាពទាំងនេះ គណៈកម្មាធិការចម្រុះក៏បានសម្រេចប្លុមបេទុកជាបណ្តោះអាសន្ន និងយកថ្នាំមួយចំនួនទៅធ្វើការពិសោធ ។ ទោះបីជាយ៉ាងណា អ្នកយកព័ត៌មានពុំទទួលបានការបំភ្លឺណាមួយពីម្ចាស់ឃ្លាំងឡើយ ៕
ចែករំលែកព័តមាននេះ