ខេត្តរតនគិរី ៖ ថៅកែស្រីម្ចាស់ខារ៉ាអូខេវើលស្តារ៍ បានត្រូវនគរបាលស្រុកបកែវឃាត់ខ្លួនរួមជាមួយបុរសម្នាក់ ជាមន្ត្រីនគរបាលមានមុខងារជាអនុប្រធានវរៈការពារព្រំដែនគោក ដែលជាប់ចោទថា ជាប្រុសសហាយ ។ បើតាមព័ត៌មានបឋមពីនគរបាលស្រុកបកែវឱ្យដឹងថា នៅថ្ងៃទី២២…
ខេត្តរតនគិរី ៖ ថៅកែស្រីម្ចាស់ខារ៉ាអូខេវើលស្តារ៍ បានត្រូវនគរបាលស្រុកបកែវឃាត់ខ្លួនរួមជាមួយបុរសម្នាក់ ជាមន្ត្រីនគរបាលមានមុខងារជាអនុប្រធានវរៈការពារព្រំដែនគោក ដែលជាប់ចោទថា ជាប្រុសសហាយ ។
បើតាមព័ត៌មានបឋមពីនគរបាលស្រុកបកែវឱ្យដឹងថា នៅថ្ងៃទី២២ កញ្ញា វេលាម៉ោងប្រហែល១រំលងអធ្រាត្រ បុរសជាប្តីថៅកែស្រីរូបនេះ បានតាមទាន់ប្រពន្ធលួចមានសហាយស្មន់នៅក្នុងហាងខាងលើ ហើយក៏ទូរស័ព្ទហៅសមត្ថកិច្ចស្រុកបកែវ មកជួយអន្តរាគមន៍ ។
ប្រភពដដែលបន្តថា មុននឹងមានរឿងហេតុផិតក្បត់នេះកើតឡើង គឺនាងជាប្រពន្ធបាននាំបុរសជានាយនគរបាលមកផឹកស៊ីក្នុងហាងរបស់នាងយ៉ាងសប្បាយ ហើយក្រោយមកទៀត ក៏មាន«អីៗ» លើសពីការរាប់អានគ្នា ។ បច្ចុប្បន្ន ស្ត្រីជាថៅកែហាងខាងលើនិងមន្ត្រីនគរបាលជាប់ចោទលួចបេះដូង បានត្រូវនគរបាលស្រុកបកែវឃាត់ខ្លួនជាបណ្ដោះអាសន្ន ។
ទាក់ទិននឹងរឿងរ៉ាវខាងលើ ត្រូវបានលោក ជួប នរក្ស អធិការនគរបាលស្រុកបកែវឱ្យដឹងថា រឿងនេះ ពិតជាមានកើតឡើងមែន គឺថៅកែស្រីម្ចាស់ខារា៉អូខេវើលស្តារ៍ ពិតជាត្រូវបានឃាត់ខ្លួន រូមនឹងមន្ត្រីនគរបាលការពារព្រំដែនគោកម្នាក់ផងដែរ ៕
ចែករំលែកព័តមាននេះ