ខេត្តរតនៈគីរី ៖ បើតាមសេចក្តីរាយការណ៍បានឱ្យដឹងថា ឪពុកចុងម្នាក់ចាប់រំលោភកូនស្រីអាយុ១៦ឆ្នាំបានម្ដងញ៉ាម ចង់ម្ដងទៀតក៏ជាប់ខ្នោះប៉ូលិស ហេតុការណ៍នេះបានកើតឡើងកាលពីម៉ោង១និង២០នាទីរសៀល ថ្ងៃទី២០ ខែកញ្ញា ឆ្នាំ២០១៨ នៅចំណុចរោងចំការដាច់ស្រយ៉ាល…
ខេត្តរតនៈគីរី ៖ បើតាមសេចក្តីរាយការណ៍បានឱ្យដឹងថា ឪពុកចុងម្នាក់ចាប់រំលោភកូនស្រីអាយុ១៦ឆ្នាំបានម្ដងញ៉ាម ចង់ម្ដងទៀតក៏ជាប់ខ្នោះប៉ូលិស ហេតុការណ៍នេះបានកើតឡើងកាលពីម៉ោង១និង២០នាទីរសៀល ថ្ងៃទី២០ ខែកញ្ញា ឆ្នាំ២០១៨ នៅចំណុចរោងចំការដាច់ស្រយ៉ាល ស្ថិតក្នុងឃុំត្រពាំងច្រេស ស្រុកកូនមុំ។
ទាក់ទិននឹងរឿងខាងលើនេះ ត្រូវបានសមត្ថកិច្ចប៉ូលិសស្រុកបានឱ្យដឹងថា ជនសង្ស័យជាឪពុកចុងខាងលើឈ្មោះ ស៊ន សាញ់ អាយុ៣៨ឆ្នាំ មុខរបរជាកសិករ ស្នាក់នៅភូមិ-ឃុំកើតហេតុខាងលើ ដោយឡែកជនរងគ្រោះមានអាយុ១៦ឆ្នាំ ជារបរកសិករដូចគ្នា។
សមត្ថកិច្ចដដែលបន្តទៀតថា យោងតាមការរៀបរាប់ពីជនរងគ្រោះថា នៅថ្ងៃកើតហេតុនោះម៉ោង៨ព្រឹកឪពុកចុង និងនាង រួមទាំងអ្នកភូមិ២ទៅ៣នាក់ទៀតនាំគ្នាចេញពីផ្ទះទៅចំការចម្ងាយ៥ទៅ៦គីឡូម៉ែត្រ ។ ពេលទៅដល់ចំការឪចុង និងជនរងគ្រោះនាំគ្នាធ្វើការដាំដំឡូងមី និងសណ្ដែកធម្មតារហូតដល់ម៉ោង១១ថ្ងៃត្រង់សំរាកហូបបាយនៅរោងចំការ ចំណែកអ្នកភូមិ២ទៅ៣នាក់នោះក៏ចូលរួមហូបបាយផងដែរ ។
ជនរងគ្រោះបន្តថា ដល់ពេលហូបបាយហើយអ្នកភូមិក៏ដើរចេញទៅរោងចំការរបស់ពួកគេអស់ នៅសល់តែ២នាក់ឪពុកចុងនិងកូនចុងប៉ុណ្ណោះ ហើយរោងចំការមានសភាពស្ងាត់ជ្រងំ ថែមទាំងមានដើមដំឡូងមីដុះជុំវិញរោងផងនោះ ស្រាប់តែឪពុកចុងចាប់នាងរំលោភតែមិនសម្រេចទេ ដោយនាងជាកូនចុងសំពះអង្វរខ្លាំងពេក។
ជនរងគ្រោះបន្តប្រាប់សមត្ថកិច្ចទៀតថា កាលពីឆ្នាំ២០១៧ នៅរដូវធ្វើចំការនោះ ឪពុកចុងរូបនេះបានចាប់រំលោភនាងនៅក្បែរមាត់អូរជិតរោងចំការខាងលើសម្រេចម្ដងរួចមកហើយ តែនាងមិនហ៊ានប្រាប់ម្ដាយនាងទេ ដោយឪពុកចុងគំរាមហាមមិនឱ្យនិយាយប្រាប់ម្ដាយនាងនោះទេ។ ហើយឪពុកចុងរូបនេះតាំងពីចាប់នាងរំលោភបានម្ដងរួចមកនោះ គឺឪពុកចុងនេះខំព្យាយាមចាប់រំលោភជាញឹកញាប់ណាស់ តែមិនសម្រេច។
បច្ចុប្បន្ននេះជនសង្ស័យកំពុងឃុំខ្លួនបណ្ដោះអាសន្ននៅអធិការដ្ឋាននគបាលស្រុកកូនមុំ និងកសាងសំណុំរឿងទៅតុលាការខេត្តដើម្បីចាត់ការតាមនីតិវិធីច្បាប់។
ចែករំលែកព័តមាននេះ