អាជីវករលក់គ្រឿងសមុទ្រ និងផ្លែឈើផ្លាស់ប្តូរកន្លែងលក់ថ្មី តែមិនសូវដាច់ព្រោះតែ…
- ព្រះសីហនុ
ខេត្តព្រះសីហនុ ៖ បន្ទាប់ពីមានការសំណូមពរពីសំណាក់រដ្ឋបាលស្រុកព្រៃនប់ និងមានការផ្សព្វផ្សាយជាសាធារណៈនោះ អាជីវករលក់គ្រឿងសមុទ្រដែលអាជ្ញាធរថា ធ្លាប់លក់ដូរប្រើប្រាស់ក្រោមដំបូលឆត្រប្រក់តង់ ហើយលើចំណីផ្លូវធ្វើអាជីវកម្មនោះបាននាំគ្នាមកចូលលក់ដូរក្នុងទីតាំងថ្មីក្នុងចំណតរថយន្តតាក់ស៊ីដែលត្រូវបានក្រុមកាងាររៀបចំជូនដោយមានប្រក់ដំបូលរោង ចាក់សាបត្រឹមត្រូវ បូករួមទាំងមិនបះពាល់ដល់ចំណីផ្លូវ ហើយមានកន្លែងចាក់ទឹកបង្ហូរកាកសំណល់ទឹកស្អុយចេញពីគ្រឿងសមុទ្រដោយមិនអោយបះពាល់ដល់បរិស្ថាន…
លោក សរ កក្កដា អភិបាលស្រុកព្រៃនប់ដែលបានបង្ហោះតាមរយៈហ្វេសប៊ុកផ្ទាល់ខ្លួនរបស់លោកនៅថ្ងៃទី២០ ខែកញ្ញា ឆ្នាំ២០១៨ ទីតាំងលក់គ្រឿងសមុទ្រ និងផ្លែឈើនៅទីប្រជុំជនវាលរេញ ស្រុកព្រៃនប់ ! ទីតាំងថ្មី ! កន្លងមកបងប្អូនអាជីវករលក់គ្រឿងសមុទ្រ និងផ្លែឈើ នៅទីប្រជុំជនវាលរេញបានយកចិញ្ចើមផ្លូវជាតិលេខ៤ធ្វើជាទីតាំងលក់ដូររបស់ខ្លួនធ្វើឲ្យប៉ះពាល់ដល់អនាម័យ បរិស្ថានទីសាធាណៈ(សំរាម, ភាពកខ្វក់, ការជន់លិច) សណ្តាប់ធ្នាប់ ការកកស្ទះចរាចរ អនាធិបតេយ្យតាមដងផ្លូវ និងធ្វើឲ្យបាត់បង់សោភណភាពទីប្រជុំជន ។ល។
ដើម្បីជាការគាំទ្រ និងលើកទឹកចិត្តដល់បងប្អូនអាជីករដែលបានចូលរួមសហការជាមួយរដ្ឋបាលស្រុក សូមបងប្អូនប្រជាពលរដ្ឋក្នុងមូលដ្ឋាន និងបងប្អូនប្រជាពលរដ្ឋដែលធ្វើដំណើរឆ្លងកាត់ជិតឆ្ងាយ ដែលមានបំណងជាវគ្រឿងសមុទ្រ-ផ្លែឈើ អញ្ជើញទៅរកជាវនៅទីតាំងដូចបានជម្រាបខាងលើជូនកុំបីខាន ។
ចែករំលែកព័តមាននេះ