ខាងក្រោមនេះនឹងបង្ហាញអ្នកពីរបៀបក្នុងការធ្វើឲ្យស្នាមអុជខ្មៅលើច្រមុះអ្នកបាត់អស់ដោយប្រើត្រឹមពងមាន់មួយគ្រាប់ ។ តើមានរបៀបអនុវត្តបែបណាទៅ ?
១-គ្រឿងផ្សំ ៖ ពងមាន់យកតែផ្នែកទឹកថ្លាចំនួនមួយគ្រាប់ និងសម្លីមួយបន្ទះ ។
២-របៀបអនុវត្ត ៖ ដំបូងអ្នកអាចគោះពងមាន់ដាក់ចាន ដោយត្រងយកតែពងទឹកថ្លា មិនយកពងក្រហមនោះទេ ។ បន្ទាប់មកអ្នកអាចវ៉ៃពងទឹកថ្លានោះរហូតដល់ឡើងពពុះ រួចទើបយកមកលាបលើច្រមុះអ្នក ហើយយកសម្លីមួយបន្ទះនោះយកមកបិទលើច្រមុះឲ្យលឿនដើម្បីឲ្យជាប់ កុំឲ្យស្ងួតទាន់ ។ បន្ទាប់មកទៀត អ្នកអាចទះ តិចៗលើសម្លីនោះ ដោយឲ្យវាអាចជាប់ ។
ក្រោយពេលដែលពងទឹកថ្លានោះស្ងួត អ្នកអាចបកសម្លីនោះចុះ រួចលាងទឹកចេញជាការស្រេច ។ រូបមន្តមួយនេះអាចជួយជម្រះស្នាមអ៊ុជខ្មៅលើច្រមុះអ្នក។ ដូចនេះអ្នកអាចសាកល្បងប្រើបាន ប៉ុន្តែចំពោះអ្នកដែលមានស្បែកឆាប់ប្រតិកម្ម គួរតែប្រយ័ត្នក្នុងការប្រើ (ប្រភពពី៖ Health.com.kh)៕
ចែករំលែកព័តមាននេះ