ខេត្តកណ្តាល ៖ ដីសាធារណៈត្រង់ចំណុចជួរមាត់ទន្លេតូចន្លោះគល់ស្ពានកំពង់ពពិលត្រើយខាងលិច ស្ថិតក្នុងភូមិកំពង់ចម្លង ឃុំកំពង់ចម្លង ស្រុកខ្សាច់កណ្តាល ខេត្តកណ្តាល កំពុងតែរីកដុះដាលនូវការសាងសង់សំណង់រឹងផ្ទះវីឡា, ផ្ទះល្វែងអត់ច្បាប់យ៉ាងណែនតាន់តាប់សង្ស័យមានការឃុបឃិតគ្នាជាមួយអាជ្ញាធរ ទើបគ្មានការទប់ស្កាត់បែបនេះ។
ប្រភពព័ត៌មានបាននិយាយថា កាលពីមុនដីសាធារណៈមាត់ទន្លេតូចនេះ មានពលរដ្ឋសង់ផ្ទះឈើនៅបណ្តោះអាសន្នតែ5.6.គ្រួសារប៉ុណ្ណោះ ស្រាប់តែឥឡូវត្រូវបានគេបុកគ្រឹះសាងសង់ផ្ទះថ្មវីឡាព្រោងព្រាតពេញដីសាធារណៈមាត់ទន្លេតូចយ៉ាងអានាធិបតេយ្យទៅហើយ។
ជាក់ស្តែងដូចជាផ្ទះវីឡាដ៏ធំស្កឹមស្កៃរបស់លោកឧកញ៉ាម្នាក់បាននិងកំពុងសាងសង់ឡូយចូលដីចំណីទន្លេក្បែរគល់ស្ពានកំពង់ពពិលត្រើយខាងលិចជិតថ្នល់ជាតិលេខ8 ធ្វើឲ្យមហាជនជាច្រើនមានការសង្ស័យទៅលើអាជ្ញាធរថា ជាអ្នកឃុបឃិតបើកភ្លើងខៀវ ទើបការសាងសង់សំណង់បានដោយរលូន គឺជាសំណង់អត់ច្បាប់ដែលអាជ្ញាធរស្រុកហាមឃាត់ខ្លះៗដែរ។
ទំនងដឹងថាខុសដែរ ប៉ុន្តែចាំសង់រួចទើបលើកគ្នាទៅគំរាមវ៉ៃចោលឬយ៉ាងណាទៀតមិនទាន់ដឹង។
ចែករំលែកព័តមាននេះ