រាជធានីភ្នំពេញ ៖ សម្តេចតេជោ ហ៊ុន សែន បានមានប្រសាសន៍ការធ្វើបាតុកម្មរបស់បងប្អូនកម្មករដែលតវ៉ាឲ្យថៅកែសងប្រាក់នោះ មិនមែនសម្លាប់ថៅកែនោះទេ គឺក្លាយជាបាបកម្មទៅវិញទេ ។
សម្តេចមានប្រសាសន៍បែបនេះ ក្នុងពិធីជួបសំណេះសំណាលជាមួយកម្មករជាច្រើនពាក់នាក់នៅក្នុងខេត្តកំពង់ស្ពឺ នាព្រឹកថ្ងៃទី១៩ ខែកញ្ញានេះ យ៉ាងដូច្នេះ ថា«ក្មួយតាមរោងចក្រនានាហើយពូស្នើចេញ ពូមិនឲ្យក្មួយៗអត់លុយទេ ពូចេញអស់២២លានដុល្លាររួច គ្រាន់តែថៅកែ រត់ចោលនោះ ។ ឥលូវបើថៅកែរត់ចោល ហើយបិទផ្លូវមិនមែនសម្លាប់ថៅកែទេ គឺសម្លាប់អ្នក ធ្វើដំណើរតាមដងផ្លូវ ។ អីញ្ចឹងលុយគង់តែដោះស្រាយទេ » ។
សម្តេចបន្ថែមទៀតថា និយាយរឿងបិទផ្លូវនោះ យើងគិតអីញ្ចេះ តើយើងសាងបាបកម្មទេ ? យើងនិយាយជាមួយគ្នាត្រង់ៗ យើងបិទផ្លូវភ្លាមៗខុសច្បាប់ គឺខុសមួយហើយ តែបើនិយាយផ្នែកសីលធម៌វិញ យើងគិតថាពេលបិទផ្លូវ ស្រាប់តែមានមនុស្សកំពុងធ្វើចរាចរណ៍មានគ្រោះថ្នាក់ត្រូវការសង្គ្រោះបន្ទាន់នៅមន្ទីពេទ្យ ត្រូវជាប់គាំដោយសារកម្មករ បណ្តាលឲ្យស្លាប់វាយ៉ាងម៉េចវិញ ? ។ អ្នកឆ្លងទន្លេត្រូវស្លាប់នៅលើករថយន្តដោយជាប់ផ្លូវ ដោយកម្មករតវ៉ាបិទផ្លូវ តើអ្នកណាជាអ្នកទទួលខុសត្រូវ ? ។
សម្តេចគូសបញ្ជាក់ទៀតថា «យ៉ាងហោចណាស់យើងគិតផ្លូវសីលធម៌ យើងបានសម្លាប់ មនុស្សដោយប្រយោល ចំពោះអ្នកដែលបានស្លាប់នៅលើរថយន្តដែលកំពុងធ្វើដំណើរទៅសង្គ្រោះ ។
ប្រមុខរាជរដ្ឋាភិបាលក៏បានលើកឡើងថា នៅក្នុងសង្គមស៊ីវិល័យមិនមានការបិទផ្លូវតវ៉ារឿងថៅកែបិទរោងចក្ររត់ចោលកម្មករនោះទេ ។ ករណីនេះមិនបានប៉ះពាល់ដល់ថៅកែរោង ចក្រនោះទេ គឺប៉ះពាល់ចំពោះអ្នកធ្វើដំណើរទៅវិញដែលក្នុងនោះមានបងប្អូនសាច់ញាតិ បងប្អូ នកម្មករធ្វើកម្មករផងដែរ ។ សម្តេចក៏បាន អំពាវនាវឲ្យកម្មករទាំងអស់ បញ្ឈប់ការបិទផ្លូវនៅទូទាំងប្រទេស ដើម្បីជៀងវាងការកកស្ទះចរាចរណ៍ដែលធ្វើឲ្យ ប៉ះពាល់ដល់អ្នកធ្វើដំណើរផងដែរ ៕
ចែករំលែកព័តមាននេះ