ខេត្តកំពត ៖ ប្រភពព័ត៌មានពីស្នងការដ្ឋាននគរបាលខេត្តកំពតបានឲ្យដឹងថា នៅវេលាម៉ោង៨និង០០នាទីព្រឹក ថ្ងៃទី១៨ ខែកញ្ញា ឆ្នាំ២០១៨ នៅស្នងការដ្ឋាននគរបាលខេត្តកំពតបានរៀបចំពិធីប្រកាសផ្ទេរភារកិច្ចតែងតាំងមុខតំណែង និងបំពាក់ឋានន្តរសក្តិជូនដល់មន្ត្រីនគរបាលជាតិនៃស្នងការដ្ឋាននគរបាលខេត្តកំពត ។…
ខេត្តកំពត ៖ ប្រភពព័ត៌មានពីស្នងការដ្ឋាននគរបាលខេត្តកំពតបានឲ្យដឹងថា នៅវេលាម៉ោង៨និង០០នាទីព្រឹក ថ្ងៃទី១៨ ខែកញ្ញា ឆ្នាំ២០១៨ នៅស្នងការដ្ឋាននគរបាលខេត្តកំពតបានរៀបចំពិធីប្រកាសផ្ទេរភារកិច្ចតែងតាំងមុខតំណែង និងបំពាក់ឋានន្តរសក្តិជូនដល់មន្ត្រីនគរបាលជាតិនៃស្នងការដ្ឋាននគរបាលខេត្តកំពត ។
ដោយមានប្រជុំបូកសរុបលទ្ធផលការងារប្រចាំខែកញ្ញា ក្រោមអធិបតីភាពដ៏ខ្ពង់ខ្ពស់លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្ត ។ ក្នុងអង្គពិធីនេះក៏មានវត្តមានអញ្ជើញចូលរួមពីសំណាក់លោក-លោកស្រីស្នងការរង អស់លោក អនុប្រធានការិយាល័យកណ្តាល លោកនាយ-នាយរងការិយាល័យ លោកអធិការនគរបាលស្រុក-ក្រុងទាំង៨ លោកមេបញ្ជាការវរសេនាតូចលេខ៦០១ និងលោកនាយប៉ុស្តិ៍ទាំង៩៣ប៉ុស្តិ៍ សរុបចំនួន២៣៥រូប ស្រីចំនួន០៧ រូប ។
លទ្ធផលក្នុងពិធីនេះរួមមានផ្ទេរភារកិច្ច និងតែងតាំងមុខតំណែងចំនួន៣០នាក់ ។ បំពាក់ឋានន្តរសក្តិចំនួន៦៥នាក់មានថ្នាក់អនុសេនីយ៍ឯកចំនួន២៤នាក់ ថ្នាក់អនុសេនីយ៍ទោចំនួន ២១នាក់ ថ្នាក់អនុសេនីយ៍ត្រីចំនួន១៧នាក់ ថ្នាក់ព្រិន្ទបាលឯកចំនួនម្នាក់ ថ្នាក់ព្រិន្ទបាលទោ ចំនួនម្នាក់ និងថ្នាក់ពលបាលឯកចំនួនម្នាក់ ។ លោកឧត្តមសេនីយទោ ម៉ៅ ច័ន្ទមធុរិទ្ធ ស្នងការខេត្តបានមានប្រសាសន៍ផ្តាំផ្ញើដល់មន្ត្រីនគរបាលជាតិនៃស្នងការដ្ឋាននគរបាលខេត្តដែលទើបនិងទទួលមុខតំណែងថ្មី និងបំពាក់ឋានន្តរសក្តិនាពេលនេះ សូមឲ្យអស់លោកទាំងអស់ខិតខំយកចិត្តទុកដាក់បំពេញរាល់ការអនុវត្តតាមបទបញ្ជាដែលថ្នាក់លើប្រគល់ជូនគោរព និងអនុវត្តនូវរាល់បទបញ្ជាឲ្យបានម៉ឺងម៉ាត់បំផុត ដើម្បីសម្រេចរាល់ជោគជ័យរាល់កិច្ចការ និងការងារស្នូលរបស់ខ្លួន ។
រក្សាការសាមគ្គីភាពផ្ទៃក្នុងឲ្យបានល្អគោរពវិន័យបទបញ្ជាកងកម្លាំងឲ្យបានល្អសមជាកងកម្លាំងនគរបាលបម្រើប្រជាជនពិតៗ ។ មានសុជីវធម៌ក្នុងការនិយាយស្តីជាមួយថ្នាក់ដឹកនាំ មហាជនប្រជាជនឲ្យបានសមរម្យ និងសមជាកងកម្លាំងរបស់ប្រជាជន ពិសេសជាងនេះទៅទៀត គឺយកចិត្តទុកជួយប្រជាពលរដ្ឋនៅពេលដែលប្រជាពលរដ្ឋជួបនូវគ្រោះមហន្តរាយអ្វីមួយដែលកើតឡើងដោយចៃដន្យដូចជា គ្រោះថ្នាក់ចរាចរណ៍គ្រោះអគ្គិភ័យ ឬគ្រោះទឹកជំនន់ជាដើម ៕
ចែករំលែកព័តមាននេះ