រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ជាការពិតដូចអ្វីដែលប្រជាពលរដ្ឋបាននាំគ្នាចោទប្រកាន់មែនថា លោកចៅអធិការវត្ត្ក«កំពង់ក្ដុល»កំពុងតែលួចលាក់មានស្រីស្នេហ៍រហូតបង្កើតបានកូនស្រីម្នាក់ ជាពិសេស គឺថែទាំងសេពគ្រឿងញៀនទៀតផង ខណៈពួកគាត់បានតាមដានទាន់ ពេលកំពុងជិះម៉ូតូជាមួយស្រីស្នេហ៍ចេញពីផ្ទះត្រឡប់ទៅវត្តវិញកាលពីទៀបភ្លឺ ។…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ជាការពិតដូចអ្វីដែលប្រជាពលរដ្ឋបាននាំគ្នាចោទប្រកាន់មែនថា លោកចៅអធិការវត្ត្ក«កំពង់ក្ដុល»កំពុងតែលួចលាក់មានស្រីស្នេហ៍រហូតបង្កើតបានកូនស្រីម្នាក់ ជាពិសេស គឺថែទាំងសេពគ្រឿងញៀនទៀតផង ខណៈពួកគាត់បានតាមដានទាន់ ពេលកំពុងជិះម៉ូតូជាមួយស្រីស្នេហ៍ចេញពីផ្ទះត្រឡប់ទៅវត្តវិញកាលពីទៀបភ្លឺ ។ បន្ទាប់ពីចាប់បានស្តែងហើយ ក៏ឃាត់ខ្លួនលោកប្រគល់ជូនអាជ្ញាធរសង្កាត់ និងព្រះអនុគណខណ្ឌដង្កោ ដើម្បីចាប់ផ្សឹកទើបប្រគល់ជូននគរបាលខណ្ឌដង្កោ ចាត់ការតាមផ្លូវច្បាប់ ។
នគរបាលខណ្ឌដង្កោ ក៏បានបញ្ជាក់ដែរថា ចៅអធិការអង្គនោះ ពិតជាបានស្លៀកជាគ្រហស្ថចេញពីវត្តពិតមែនប៉ុន្តែមិនបានជិះម៉ូតូជាមួយស្រីទេ គឺលោកដើរព្រោះផ្ទះរបស់ស្រីស្នេហ៍នោះ នៅចម្ងាយពីវត្តប្រមាណ១ពាន់ម៉ែត្រប៉ុណ្ណោះ លុះពេលដើរត្រឡប់មកវិញក៏ត្រូវបានប្រជាពលរដ្ឋចាប់ខ្លួនតែម្ដង។
ដោយឡែក ប្រជាពលរដ្ឋបានធ្វើការចាប់ខ្លួន កាលពីវេលាម៉ោង៣យប់ទៀបភ្លឺឈានចូលថ្ងៃទី១៨កញ្ញា ឆ្នាំ២០១៨ នៅក្នុងភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ ។ ចៅអធិការមាននាម មាជ សុវណ្ណ អាយុជាង៣០ឆ្នាំ លួចលាក់មានស្នេហាជាមួយស្រីម្នាក់ រហូតមានកូនស្រីអាយុ២ឆ្នាំ ហើយត្រូវបានផ្សឹកនឹងបណ្តេញចេញពីវត្ត កាលពីវេលាព្រឹកថ្ងៃទី១៨ កញ្ញា ឆ្នាំ២០១៨ នៅក្នុងវត្ដស្លែង ដែលជាវត្តព្រះអនុគណខណ្ឌដង្កោ សង្កាត់ពងទឹក ខណ្ឌដង្កោ រាជធានីភ្នំពេញ។
ព័ត៌មានបន្ថែមនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ