រាជធានីភ្នំពេញ ៖ ឈឺ.ក ស្តែងឡើងតាមរយៈអាការៈរមាស់ ស្ងួត និងឈឺនៅត្រង់ក្នុងបំពង់.ក។ ជារៀងរាល់ឆ្នាំ មានអ្នកជំងឺមិនតិចជាង១៣លាននាក់ទេ ដែលទៅជួបគ្រូពេទ្យដោយសារបញ្ហាឈឺបំពង់.កនេះ។ អាការៈនៃការឈឺ.កប្រែប្រួលទៅតាមមូលហេតុ អ្នកក៏អាចនឹងមានអារម្មណ៍ថា រមាស់នៅត្រង់បំពង់.កខ្លាំង ក្រហាយ ក្តៅ ស្ងួត តឹងនៅក្នុងបំពង់.ក ឬឈឺកាន់តែខ្លាំងនៅពេលលេបទឹកមាត់ ឬនិយាយ។
ភាគច្រើន អាការៈឈឺ.ក បណ្តាលមកពីបរិស្ថានរស់នៅជុំវិញខ្លួនដូចជា អាកាសធាតុស្ងួត ផ្សែងបារី ឬផ្សែងពុល សារធាតុគីមីពុលក្នុងបរិស្ថាន ឬពេលខ្លះការឈឺ.កអាចជារោគសញ្ញានៃជំងឺផ្សេងៗដូចជា ផ្តាសាយ រលាកបំពង់.ក ដោយបាក់តេរីដែលភាគច្រើនកើតលើកូនក្មេង អាលែកហ្ស៊ី ជំងឺច្រាលទឹកក្រពះ ឬអាចមានដុំសាច់ ឬមហារីកនៅបំពង់.កដែលករណីនេះ អាការៈឈឺ.កនឹងមិនបាត់ទៅវិញដោយឯងៗទេ។
រោគសញ្ញាផ្សេងទៀតដែលអ្នកត្រូវតែទៅជួបគ្រូពេទ្យក្នុងករណីមានការឈឺបំពង់.ក រួមមាន៖ អាការៈកាន់តែធ្ងន់ធ្ងរទៅពីមួយថ្ងៃទៅមួយថ្ងៃ ឈឺបំពង់.កលើសពី១សប្តាហ៍ ពិបាកលេបទឹកមាត់ ឬទទួលទានអាហារ ពិបាកដកដង្ហើម ឬឈឺនៅពេលដកដង្ហើម ពិបាកហារមាត់ ឈឺសន្លាក់ ក្តៅខ្លួនលើសពី៣៨អង្សារសេ ឈឺ ឬចុកនៅ.ក ឈឺត្រចៀក មានឈាមនៅក្នុងទឹកមាត់ ឬស្លេស្មជាដើម។
ថ្វីត្បិតការឈឺ.កបណ្តាលឲ្យមានការរំខានច្រើន តែអ្នកក៏អាចព្យាបាលវាដោយខ្លួនឯងបានដោយប្រើថ្នាំបៀមបំបាត់ឈឺបំពង់.ក ហើយជាទូទៅវានឹងបាត់ទៅវិញនៅ២ទៅ៣ថ្ងៃក្រោយ។ក្នុងករណីឈឺ.កដែលបណ្តាលមកពីវីរុស វានឹងបាត់ទៅវិញនៅពេលមួយសប្តាហ៍ ប៉ុន្តែអ្នកនឹងកាន់តែឆាប់ជាសះស្បើយពីការរំខាននេះ ប្រសិនបើអ្នកជ្រើសរើសឱសថ ឬផលិតផលបំបាត់ការឈឺ.កបានត្រឹមត្រូវ។
គួរបញ្ជាក់ផងដែរថា CALSEPTINE® ជាជម្រើសឱសថទី១ ក្នុងការបំបាត់អាការៈឈឺបំពង់.កយ៉ាងមានប្រសិទ្ធភាព ដោយសារសាធាតុផ្សំសំខាន់២យ៉ាងក្នុងគ្រាប់ថ្នាំបៀមតែមួយ អាចសំលាប់បានទាំងបាក់តេរី និងវីរុសដែលបណ្តាលឲឈឺបំពង់.ក។
CALSEPTINE® មានរសជាតិផ្អែមតិចៗ និងមានក្លិនប្រហើរ ជាគ្រាប់ថ្នាំបៀមដាក់ក្នុងបន្ទះងាយស្រួលប្រើប្រាស់ ទុកដាក់ ឬយកតាមខ្លួន។ CALSEPTINE® ជាផលិតផលរបស់សហគ្រាសផលិតឱសថប៉េប៉េអឹម មានការទទួលស្គាល់ដោយក្រសួងសុខាភិបាលនិងចែកចាយផ្តាច់មុខដោយក្រុមហ៊ុន DKSH។
លោកអ្នកអាចរកជាវបាននៅតាមបណ្តាឱសថស្ថានស្របច្បាប់ទាំងអស់នៅទូទាំងប្រទេសកម្ពុជា។ សូមសួរការណែនាំពីឱសថការីមុននឹងប្រើប្រាស់ឱសថណាមួយដើម្បីទទួលបានប្រសិទ្ធភាពនិងសុវត្ថិភាពក្នុងការប្រើប្រាស់៕ ដោយសហការ
ប្រភព៖ www.healthline.com
កែសម្រួលដោយ៖ Flashsanté.info
ចែករំលែកព័តមាននេះ