អ្នកយកព័ត៌មានម្នាក់បានស្លា.ប់ក៏ដោយសារតែរឿងហ្នឹង
- សៀមរាប
ខេត្តសៀមរាប ៖ អ្នកយកព័ត៌មានម្នាក់បានស្លាប់ នាថ្ងៃទី១៦ ខែកញ្ញា ឆ្នាំ២០១៨ ស្ថិតនៅភូមិនគរក្រៅ សង្កាត់គោកចក ក្រុងសៀមរាប ខេត្តសៀមរាប…
ខេត្តសៀមរាប ៖ អ្នកយកព័ត៌មានម្នាក់បានស្លាប់ នាថ្ងៃទី១៦ ខែកញ្ញា ឆ្នាំ២០១៨ ស្ថិតនៅភូមិនគរក្រៅ សង្កាត់គោកចក ក្រុងសៀមរាប ខេត្តសៀមរាប…
ខេត្តសៀមរាប ៖ អ្នកយកព័ត៌មានម្នាក់បានស្លាប់ នាថ្ងៃទី១៦ ខែកញ្ញា ឆ្នាំ២០១៨ ស្ថិតនៅភូមិនគរក្រៅ សង្កាត់គោកចក ក្រុងសៀមរាប ខេត្តសៀមរាប នៅតាមផ្លូវមកពីស្រុកអង្គរធំ ខេត្តសៀមរាប ខណៈជិះឡានចេញមកពីផ្ទះមិត្តស្រី នៅភូមិគោកក្រើល ឃុំលាងដៃ ស្រុកអង្គរធំ ខេត្តសៀមរាប មកលេងសៀមរាប ។
តាមប្រភពពីសមត្ថកិច្ចជំនាញបានប្រាប់ថា ជនរងគ្រោះឈ្មោះ អ៊ួង ប៊ុនធឿន ភេទប្រុស អាយុ៣៨ឆ្នាំ មុខរបរអ្នកយកព័ត៌មានប៉ុស្តិ៍លេខ៣ មានទីលំនៅភូមិគោកធ្លក ឃុំគណ្តែក ស្រុកប្រាសាទបាគង ខេត្តសៀមរាប ។ និងស្ត្រីម្នាក់ទៀតដែលជិះឡានជាមួយឈ្មោះ សឹង គីម ភេទស្រី អាយុ២៥ឆ្នាំ មុខរបរលក់ដូរ មានទីលំនៅភូមិគោកក្រើល ឃុំលាងដៃ ស្រុកអង្គរធំ ខេត្តសៀមរាប ។
ប្រភពបានបញ្ជាក់ថា ក្រោយពេលកើតហេតុកម្លាំងនគរបាលជំនាញបានហៅស្ត្រីរួមដំណើរ មកបំភ្លឺ ហើយបានរៀបរាប់ប្រាប់សមត្ថកិច្ចថា មុនពេលកើតហេតុជនរងគ្រោះឈ្មោះ អ៊ួង ប៊ុនធឿន ជាអ្នកយកព័ត៌មាន បានមកលេងផ្ទះខ្ញុំ ហើយគាត់បបួលខ្ញុំទៅលេងសៀមរាបជិះឡានជាមួយគាត់តែ២នាក់ប៉ុណ្ណោះ ហើយតាមបណ្តោយផ្លូវកូរ៉េ ចេញមកពីផ្ទះនាងខ្ញុំ ក្នុងភូមិគោកក្រើល ឃុំលាងដៃ ស្រុកអង្គរធំ ទិសដៅពីជើងមកត្បូង បើកកាត់ភូមិនគរក្រៅ សង្កាត់គោកចក ក្រុងសៀមរាប ។ មកដល់ចំណុចកើតហេតុក្រុមទី១៣ ភូមិនគរក្រៅ សង្កាត់នគរក្រៅ ក្រុងសៀមរាប ស្រាប់តែជនរងគ្រោះបានឈប់ឡានអែបខាងស្តាំ ហើយនាងខ្ញុំឃើញគាត់អត់ ស្រួលក៏ចុះបើកទ្វារឡានដែលអង្គុយនៅពីខាងមុខជាមួយគាត់ ទៅគ្រាជនរងគ្រោះរួចក៏ស្រែកហៅអ្នកភូមិដែលរស់នៅក្បែរផ្លូវឲ្យមកជួយ ខណៈពេលនោះអ្នកភូមិក៏នាំគ្នាគ្រាយកទៅដាក់លើគ្រែរបស់អ្នកលក់ដូរនៅទីនោះចម្ងាយប្រហែល១៥ម៉ែត្រពីឡានជនរងគ្រោះ ។
ស្ត្រីរូបនោះ បានរៀបរាប់ប្រាប់សមត្ថកិច្ចបន្តថា ដោយគាត់ឃើញសភាពជនរងគ្រោះស្លេកស្លាំងមិនស្រួលខ្លាំងក៏យកប្រេងកូឡាមកកោសខ្យល់ឲ្យគាត់ ហើយធ្វើចលនានៅលើដើមទ្រូងឲ្យគាត់ ប៉ុន្តែ មិនបានប៉ុន្មាននាទីផង ស្រាប់តែគាត់បាត់មាត់បាត់.ក ចលនាបេះដូងលែងដើរទៀតបានន័យថា ជនរងគ្រោះពិតជាដាច់ខ្យល់ស្លាប់ហើយ ។
ប្រភពពីសមត្ថកិច្ចបានបញ្ជាក់ទៀតថា ក្រោយពីពិនិត្យ និងធ្វើកោសល្យវិនិច្ច័យទៅលើដងខ្លួន ជនរងគ្រោះរួចមកក៏បានសន្និដ្ឋានថា ជនរងគ្រោះពិតជាស្លាប់ដោយសារខ្យល់គរពិតប្រាកដ មិនមែនករណីឃាតកម្មអ្វីនោះទេ ។ បច្ចុប្បន្នសពត្រូវបានសមត្ថកិច្ចប្រគល់ឲ្យក្រុមគ្រួសារសព យកទៅធ្វើបុណ្យតាមប្រពៃណី ៕
ចែករំលែកព័តមាននេះ