ខេត្តបន្ទាយមានជ័យ ៖ ដោយឡែកនៅឯស្រុកម៉ាឡៃនោះវិញ បើតាមសេចក្តីរាយការណ៍ពីប៉ុស្ដិ៍នគរបាលរដ្ឋបាលអូរស្រឡៅ កាលពីវេលាម៉ោង២និង៣០នាទីរសៀល ថ្ងៃទី១៤ ខែកញ្ញា ឆ្នាំ២០១៨ មានករណីមនុស្សក្មេងអាយុ១៤ឆ្នាំ ស្លាប់នៅទឹកដីថៃ…
ខេត្តបន្ទាយមានជ័យ ៖ ដោយឡែកនៅឯស្រុកម៉ាឡៃនោះវិញ បើតាមសេចក្តីរាយការណ៍ពីប៉ុស្ដិ៍នគរបាលរដ្ឋបាលអូរស្រឡៅ កាលពីវេលាម៉ោង២និង៣០នាទីរសៀល ថ្ងៃទី១៤ ខែកញ្ញា ឆ្នាំ២០១៨ មានករណីមនុស្សក្មេងអាយុ១៤ឆ្នាំ ស្លាប់នៅទឹកដីថៃ ចំងាយប្រហែល៦០០ម៉ែត្រ ពីអូរព្រំដែន ។
សេចក្តីរាយការណ៍បានបន្តថា ករណីស្លាប់ខាងលើនេះ បណ្តាលមកពីក្មេងប្រុសនោះបាននាំគ្នាទៅងូតលេងទឹកអូរថៃចាក់បេតុងការពារកុំឲ្យបាក់ដីដែលជាកន្លែងចាស់ដែលទុកចោលយូរឆ្នាំ ក្នុងដីថៃជាប់នឹងភូមិបឹងរាំង ឃុំអូរស្រឡៅ ស្រុកម៉ាឡៃ ។
ពេលក្មេងរងគ្រោះចុះលេងទឹក និងបេតុងការពារដីនោះមានស្លែកាន់ផងក៏បានរអិលដួលផ្ងារក្រោយបោកក្បាលនឹងថ្មរយះក្បាលផ្នែកខាងក្រោយស្លាប់នៅនឹងកន្លែងកើតហេតុនោះតែម្តង ។
ក្រោយពីទទួលបានព័ត៌មានពីក្មេងៗដែលទៅជាមួយគ្នាខាងប៉ុស្តិ៍រដ្ឋបាលអូរស្រឡៅ និងបងប្អូនសពបានចូលទៅយកសពក្នុងដីថៃមកខ្មែរ និងបានពិនិត្យលើសព រួចហើយបានប្រគល់ជូនឱពុកម្តាយធ្វើបុណ្យសពតាមប្រពៃណី ៕
ចែករំលែកព័តមាននេះ