ខេត្តកំពង់ធំ ៖ គ្រោះថ្នាក់ចរាចរនេះបង្កដែលឡើងដោយម៉ូតូបុកគូទរថយន្តក្នុងទិសដៅស្របគ្នា បណ្តាលឲ្យស្លាប់បុរសចំណាស់ម្នាក់ បានកើតឡើងកាលពីវេលាម៉ោង៨និង៣៣នាទីព្រឹក ថ្ងៃទី១៤ ខែកញ្ញា ឆ្នាំ២០១៨ នៅលើកំណាត់ផ្លូវជាតិលេខ៦ នៅចន្លោះគីឡូម៉ែត្រលេខ១០១-១០២ ស្ថិតក្នុងភូមិវាលតូច ឃុំអណ្តូងពោធិ៍ ស្រុកបារាយណ៍ ខេត្តកំពង់ធំ ។
សមត្ថកិច្ចនគរបាលបានឲ្យដឹងថា ជនរងគ្រោះជិះម៉ូតូមួយគ្រឿងម៉ាកហុងដា ធុនC១២៥ ពណ៌ខ្មៅ ពាក់ស្លាកលេខ ភ្នំពេញ ១BL-១៨០១ បើកបរដោយឈ្មោះ នឹម នាង ភេទប្រុស អាយុ៧១ឆ្នាំ ស្លាក់នៅផ្ទះលេខ១៥ សង្កាត់បឹងកេងកង២ ខណ្ឌចំការមន រាជធានីភ្នំពេញ បានស្លាប់នៅនឹងកន្លែងកើតហេតុ ។
ចំណែករថយន្តម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 2២AY-៣៤៨៩ អ្នកបើកបរឈ្មោះ
ផន សុខចម្រើន ភេទប្រុស អាយុ១៨ឆ្នាំ រស់នៅភូមិបាធាយ ឃុំបាធាយ ស្រុកបាធាយ ខេត្តកំពង់ចាម ។
សមត្ថកិច្ចនគរបាលបានឲ្យដឹងថា មុនពេលកើតហេតុ ជនរងគ្រោះជិះម៉ូតូមួយគ្រឿងទៅបុកគូទរថយន្តម៉ាកហ៊ីយ៉ាន់ដាយមានដឹកអង្គប់កណ្តុរសម្រាប់ដើរទិញកណ្តុរដែលឈប់ចតនៅលើជាយផ្លូវខាងស្តាំដៃ បណ្តាលឱ្យអ្នកបើកបរម៉ូតូស្លាប់នៅនឹងកន្លែងកើតហេតុ ចំណែកអ្នកបើកបររថយន្តត្រូវបានសមត្ថកិច្ចឃាត់ខ្លួននាំទៅអធិការដ្ឋាននគរបាលស្រុកបារាយណ៍ ។
នគរបាលបានបញ្ជាក់ថា គ្រោះថ្នាក់ចរាចរណ៍នេះ មូលហេតុបឋមបង្កឡើងដោយអ្នកបើកបរម៉ូតូមានល្បឿនលឿនខ្វះការប្រុងប្រយ័ត្ន ៕
ចែករំលែកព័តមាននេះ