រាជធានីភ្នំពេញ ៖ សេចក្តីរាយការណ៍បឋមឱ្យដឹងថា សាកសពបុរសម្នាក់ត្រូវបានកម្មករប្រទះឃើញស្លាប់ក្នុងថ្លុកឈាម ដោយលើខ្លួនសពពោរពេញទៅដោយស្នាមរបួស បង្កការភ្ញាក់ផ្អើលនៅវេលាម៉ោង០៦ និង៣០នាទីព្រឹកថ្ងៃទី១៤ កញ្ញា នេះ ស្ថិតលើផ្លូវដីវាលមួយកន្លែង…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា សាកសពបុរសម្នាក់ត្រូវបានកម្មករប្រទះឃើញស្លាប់ក្នុងថ្លុកឈាម ដោយលើខ្លួនសពពោរពេញទៅដោយស្នាមរបួស បង្កការភ្ញាក់ផ្អើលនៅវេលាម៉ោង០៦ និង៣០នាទីព្រឹកថ្ងៃទី១៤ កញ្ញា នេះ ស្ថិតលើផ្លូវដីវាលមួយកន្លែង ក្នុងភូមិកប់គង សង្កាត់ចោមចៅ២ ខណ្ឌពោធិ៍សែនជ័យ ដោយកំពុងសង្ស័យថា អាចជាករណីឃាតកម្មក្នុងរឿងគំនុំដ៏សាហាវបំផុត ។
សេចក្តីរាយការណ៍បន្តថា សាកសពនៅមិនទាន់ស្គាល់អត្តសញ្ញាណនោះទេ មានអាយុប្រហែល៣០ឆ្នាំ ត្រូវឃាតករចាប់អារ.ក និងស្នាមចាក់ពេញខ្លួន រួមទាំងវាយផងដែរ ។ ស្ថិតនៅកន្លែង ក៏បានប្រទះឃើញមានមួកការពារមនុស្សប្រុស និងស្រីចំនួន២ទៀតផង ។
ប្រភពបន្តថា នៅមុនពេលភ្ញាក់ផ្អើលនេះ គឺមានកម្មកររោងចក្រនាំគ្នាបានដើរទៅធ្វើការដូចសព្វដង ។ លុះដើរមកដល់ចំណុចកើតហេតុ ក៏បានប្រទះឃើញសាកសពបុរសខាងលើ រួចរត់ទៅរាយការណ៍ប្រាប់សមត្ថកិច្ចមូលដ្ឋាន ។
បើតាមការពិនិត្យរបស់សមត្ថកិច្ចថា ជនរងគ្រោះអាចត្រូវគេសម្លាប់នៅកន្លែងផ្សេង រួចអូសសាកសពមកដាក់លើផ្លូវនេះ ព្រោះឃើញមានស្នាមអូសនិងឈាមពេញផ្លូវ ។ បច្ចុប្បន្ន កំពុងរង់ចាំមន្ត្រីជំនាញ ដើម្បីធ្វើកោសល្យវិច័យ និងស្វែងរកអត្តសញ្ញាណផងដែរ ។
ចែករំលែកព័តមាននេះ