ព​ន្ឋ​ដារ​ប្រមូល​ចំណូល​ជាង​1,5​ពាន់​លាន​ដុល្លារ​ក្នុង​រយៈពេល​8​ខែ


រាជធានី​ភ្នំពេញ ៖ រយៈពេល​៨​ខែ​ឆ្នាំ​នេះ អគ្គនាយកដ្ឋាន​ពន្ធដារ​ប្រមូល​ចំណូល​ពន្ធ​-​អាករ​គ្រប់​ប្រភេទ​ប្រមាណ​១.៥០៣​លាន​ដុល្លារ​អា​មេ​រិ​ក ស្មើ​៧៨,១៥%​នៃ​ផែនការ​កំណត់​ដោយ​ច្បាប់ ។

ប្រតិភូ​រាជរដ្ឋាភិបាល​ទទួល​បន្ទុក​ជា​អគ្គនាយក​នៃ​អគ្គនាយកដ្ឋាន​ពន្ធដារ លោក គង់ វិបុល បាន​ថ្លែង​នៅ​ក្នុង​កិច្ចប្រជុំ​បូក​សរុប​លទ្ធផល​ប្រមូល​ចំណូល​ពន្ធ​ប្រចាំ​ខែសីហា ឆ្នាំ​២០១៨ កាលពី​ថ្ងៃ​ទី​១០ កញ្ញា កន្លង​មក​ថា ប្រសិទ្ធភាព​នៃ​ការ​ប្រមូល​ពន្ធ គឺ​បាន​កើត​ចេញពី​ការ​កែទម្រង់​នៃ​ប្រព័ន្ធ​ហិរញ្ញវត្ថុ​សាធារណៈ ក៏​ដូច​ជា​កំណែទម្រង់​ប្រព័ន្ធ​ពន្ធដារ ដោយ​ផ្តើម​ចេញពី​ការ​ពង្រឹង​អភិ បាល​កិច្ច​ល្អ ស្រប​តាម​គោលនយោបាយ​កំណែទម្រង់​ស៊ីជម្រៅ​របស់​រាជរដ្ឋាភិបាល និង​កើតឡើង​ពី​ការ​ខិតខំ​ប្រឹងប្រែង​បំពេញភារកិច្ច​របស់​មន្ត្រី​ពន្ធដារ​ក្នុង​ការ​ពង្រឹង​ការ​អនុវត្ត​ច្បាប់ វិន័យ​ការងារ ទើប​ជំរុញ​ការ​អនុវត្ត​ប្រមូល​ពន្ធ បាន​លទ្ធផល​ល្អ​ប្រសើរ ។

លោក​បន្ត​ថា ៖« សម្រាប់​តែ​ខែសីហា​កន្លង​មកនេះ អគ្គនាយកដ្ឋាន​ពន្ធដារ​ទទួល​បាន​ចំណូល​ពន្ធ​-​អាករ​គ្រប់​ប្រភេទ ដែល​ប្រមូល​បាន​ក្នុង​ខែសីហា ឆ្នាំ​២០១៨​នេះ មាន​ចំនួន​ជាង​១៤៦​លាន​ដុល្លារ​អា​មេ​រិ​ក ស្មើនឹង​៧,៦៤%​នៃ​ផែនការ​ច្បាប់​ឆ្នាំ​២០១៨ ក្នុង​នោះ​បើ​ធៀប​នឹង​ចំណូល​ខែសីហា ឆ្នាំ​២០១៧ តាម​ប្រព័ន្ធ​គ្រប់គ្រង​ទិន្នន័យ​ចំណូល​អន​ឡាញ​(Online)​ដូច​គ្នា ឃើញ​ថា ការ​ប្រមូល​ចំណូល​ពន្ធ​-​អាករ​គ្រប់​ប្រភេទ​ក្នុង​ខែសីហា ឆ្នាំ​២០១៨ កើនឡើង​ប្រមាណ​ជាង​១៨​លាន​ដុល្លារ​អា​មេ​រិ​ក កំណើន​ស្មើ​ឡើង​ជាង​១៤​ភាគរយ » ។

ក្នុង​ឱកាស​នោះ លោក​អគ្គនាយក​នៃ​អគ្គនាយកដ្ឋាន​ពន្ធដារ បាន​ណែនាំ​បន្ថែម​ដល់​គ្រប់​អង្គភាព ឱ្យ​បន្ត​ខិតខំ​ពង្រឹង​ការ​អនុវត្ត​ច្បាប់ វិន័យ​ការងារ និង​ត្រូវ​មាន​ភាព​ទន់ភ្លន់​តែ​ម៉ឺង​ម៉ាត់ ដោយ​ផ្អែក​លើ​ទិដ្ឋភាព​ច្បាប់ ក្នុង​ការ​ឆ្លើយ​តប​ទៅ​កាន់​អ្នក​ជាប់ពន្ធ សំដៅ​ឱ្យ​ពួក​គាត់​​រីករាយ​ទទួលយក និង​ស្ម័គ្រចិត្ត​បង់ពន្ធ​គ្រប់​ៗ​គ្នា ធ្វើ​យ៉ាងណា​កាត់​បន្ថយ​ជា​អតិ​បរមា នូវ​ការ​រអ៊ូរទាំ​របស់​អ្នក​ជាប់ពន្ធ និង​ផ្តល់​កិច្ចសហការ​ល្អ ក្នុង​ការ​បង់ពន្ធ​ជូន​ប្រជា​ពលរដ្ឋ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ