ឃុំខ្លួនមេល្បែងកត់កន្ទុយលេខវៀតណាម ជ្រកក្រោមស្លាកឆ្នោតខ្មែរ
- កណ្តាល
ខេត្តកណ្តាល ៖ នៅរសៀលថ្ងៃទី១០ កញ្ញា ២០១៨ លោក គឹម ម៉េង ចៅក្រមស៊ើបសួរសាលាដំបូង ខេត្តកណ្តាល…
ខេត្តកណ្តាល ៖ នៅរសៀលថ្ងៃទី១០ កញ្ញា ២០១៨ លោក គឹម ម៉េង ចៅក្រមស៊ើបសួរសាលាដំបូង ខេត្តកណ្តាល…
ខេត្តកណ្តាល ៖ នៅរសៀលថ្ងៃទី១០ កញ្ញា ២០១៨ លោក គឹម ម៉េង ចៅក្រមស៊ើបសួរសាលាដំបូង ខេត្តកណ្តាល បានសម្រេចចេញដីកាឃុំខ្លួនមេល្បែងកត់កន្ទុយលេខវៀតណាមជ្រកក្រោមឆ្នោតខ្មែរ ដាក់ពន្ធនាគារបណ្តោះអាសន្នពីបទ “រំលោភលើទំនុកទុកចិត្ត” ដែលប្រព្រឹត្តនៅឃុំគគីរ ឃុំដីឥដ្ឋ និងឃុំកំពង់ស្វាយ ស្រុកកៀនស្វាយ ខេត្តកណ្ដាល កាលពីថ្ងៃសៅរ៍ទី០៨ ខែកញ្ញា ឆ្នាំ២០១៨ តាមមាត្រា ៣៩១,៣៩២ នៃក្រមព្រហ្មទណ្ឌ និងមាត្រា៥ នៃច្បាប់ស្តីពីល្បែងស៊ីសង។
ជនត្រូវចោទទី០១-ឈ្មោះ ចាន់ សំបូរ ភេទប្រុស អាយុ៤២ឆ្នាំ មានទីលំនៅបច្ចុប្បន្នភូមិព្រែកអំពិល ឃុំឈើទាល ស្រុកកៀនស្វាយ ខេត្ដកណ្ដាល ទី០២-ឈ្មោះ ណុប សាគី ភេទប្រុស អាយុ៤៤ឆ្នាំ ទីលំនៅបច្ចុប្បន្នភូមិគគីរ ឃុំគគីរ ស្រុកកៀនស្វាយ ខេត្តកណ្ដាល និងទី០៣-ឈ្មោះ មុំ មន្នី ភេទស្រី អាយុ៤៥ឆ្នាំ ទីលំនៅបច្ចុប្បន្ន ភូមិស្ដៅកន្លែង៤ ឃុំដីឥដ្ឋ ស្រុកកៀនស្វាយ ខេត្ដកណ្ដាល។
លោកវរសេនីយ៍ ឡាក់ ម៉េងធី ប្រធានការិយាល័យព្រហ្មទណ្ឌកម្រិតស្រាលបានប្រាប់ឲ្យដឹងថា កាលពីថ្ងៃទី០៤ ខែកញ្ញា ឆ្នាំ២០១៨ ក្រុមហ៊ុន ឌ្រីម វីន ខបភើរេសិន (ឆ្នោតខ្មែរ) បានមកដាក់ពាក្យបណ្ដឹង៣ទីតាំងដែលមានឈ្មោះ ខាងលើពីការក្លែងបន្លំខ្លួនជាភ្នាក់ងាររបស់ក្រុមហ៊ុនឆ្នោតខ្មែរ នៅថ្ងៃទី០៨ ខែកញ្ញា ឆ្នាំ២០១៨ វេលាម៉ោង១២ និង៣០នាទី ដឹកនាំដោយលោកព្រះរាជ្ញារងអមសាលាដំបូងខេត្ដកណ្ដាល ឯក ស៊ុនរស្មី កម្លាំងនគរបាលព្រហ្មទណ្ឌកម្រិតស្រាលខេត្តកណ្ដាល បានសហការជាមួយកម្លាំងអធិកាដ្ឋាន នគរបាលស្រុកកៀនស្វាយ។
ចុះបង្ក្រាបជាក់ស្ដែងជនសង្ស័យទាំង០៣កំពុងកត់ឆ្នោតខ្មែរ និង វៀតណាម ហើយបាននាំខ្លួនជនសង្ស័យ០៣នាក់ រួមនឹងវត្ថុតាងខាងលើ បញ្ជូនមកការិយាល័យ នគរបាលព្រហ្ម ទណ្ឌកម្រិតស្រាលនៃស្នងការដ្ឋាននគរបាលខេត្តកណ្ដាល ដើម្បីបន្តចាត់ការតាមនីតិវិធី ។ ចំពោះវត្ថុតាងនគរបាលចាប់យកបានក្រដាសកត់ឆ្នោតវៀតណាមជាច្រើនដុំ ទូរសព្ឌ័ដៃលួចកត់តាមឆាត ជាច្រើនគ្រឿង និងប្រាក់មួយចំនួន៕
ចែករំលែកព័តមាននេះ