ខេត្តតាកែវ ៖ ដាយដាក់ទទឹងទន្លេធំៗចំនួន២កន្លែងត្រូវបានអាជ្ញាធស្រុក -ឃុំ និងជំនាញជលផលបានឃុបឃិតគ្នាដាក់ចាប់ត្រីនៅរដូវបិទនេសាទដោយប្រមូលយកត្រីបានរាប់សិបតោននិងដឹកយកទៅស្រុកយួនបានយ៉ាងរលូនដោយមិនរំខានដល់ស្ថាប័នណាមួយឡើយ ។
ប្រជាពលរដ្ឋរស់នៅឃុំកំពង់ក្រសាំង ស្រុកបូរីជលសារ បាននាំគ្នានិយាយថា ដាយដាក់ទទឹងទន្លេចំនួន២កន្លែងត្រូវអាជ្ញាធរឃុំ-ស្រុក បានឱ្យយួនចូលមកដាក់ចាប់ត្រីតាំងពីរដូវទឹកឡើង និងរដូវបិទនេសាទមករហូតដល់បច្ចុប្បន្ននេះបានយ៉ាងរលូនដោយជ្រកនៅក្រោមស្លាកសហគមន៍នេសាទរបស់ឃុំទៅវិញ ។
ប្រជាពលរដ្ឋដដែលនិយាយទៀតថា ដាយទាំង២ខ្សែដែលគេដាក់ប្រមូលត្រីបានរាប់តោនរាល់ថ្ងៃនេះ គឺនៅពីខាងជើងស្នាក់ការជលផលស្រុកបូរីជលសារ១ខ្សែ និងនៅពីខាងមុខស្នាក់ការប៉ុស្តិ៍ត្រួតពិនិត្យច្រកទ្វារទ្វេភាគីកំពង់ក្រសាំ ១ខ្សែទៀត ហើយចំពោះដាយដាក់ទទឹងទន្លេទាំង២ខ្សែនេះត្រូវបានអាជ្ញាធរឃុំ-ស្រុកសហការគ្នាបានយ៉ាងល្អជាមួយជំនាញជលផលបានលក់ទៅឱ្យជនជាតិយួនយកសម្ភារៈមកដាក់ចាប់ត្រីយកទៅស្រុកគេជារៀងរាល់ថ្ងៃ ចំពោះដាយទាំង២ខ្សែនេះប្រមូលយកត្រីមិនក្រោម១០តោនឡើយក្នុង១ថ្ងៃៗនោះទេ ។
មន្ត្រីប៉ូលិសស្រុកបូរីជលសារ បានឱ្យដឹងថា ចំពោះនៅក្នុងលិខិតអនុញ្ញាតរបស់នាយកដ្ឋានរដ្ឋបាលជលផលបានអនុញាត្តឱ្យសហគមន៍ឃុំកំពង់ក្រសាំង ដាក់ដាយទាំង២ខ្សែនេះ នៅពេលបើកនេសាទវិញ គឺនៅខែ១០ឯណោះ ហើយក្នុងការដាក់ដាយនេះគឺខាងសហគមន៍នេសាទឃុំធ្វើដោយខ្លួនឯងដោយគ្មានសិទ្ធិលក់បន្តទៅឱ្យជនបរទេសឡើយ តែសហគមន៍ឃុំកំពង់ក្រសាំងនេះមិនបានអនុវត្តទៅតាមការណែនាំរបស់នាយកដ្ឋានរដ្ឋបាលជលផលឡើយ និងបានឃុបឃឹត្នាជាមួយជំនាញជលផលលក់ទៅឱ្យយួនចូលមកដាក់ និងប្រមូលយកត្រីទៅស្រុកគេទៅវិញ ។
ចែករំលែកព័តមាននេះ