រាជធានីភ្នំពេញ ៖ ទោះបីជាតុលាការដោះលែងលោក កឹម សុខា អតីតប្រធានគណបក្សសង្គ្រោះជាតិឲ្យមានសេរីភាពបណ្តោះអាសន្នយ៉ាងណាក្តី លោក សម រង្ស៊ី ដែលកំពុងនៅក្រៅប្រទេសបានអះអាងថា…
រាជធានីភ្នំពេញ ៖ ទោះបីជាតុលាការដោះលែងលោក កឹម សុខា អតីតប្រធានគណបក្សសង្គ្រោះជាតិឲ្យមានសេរីភាពបណ្តោះអាសន្នយ៉ាងណាក្តី លោក សម រង្ស៊ី ដែលកំពុងនៅក្រៅប្រទេសបានអះអាងថា មិនទាន់គ្រប់គ្រាន់នោះទេ ។
យ៉ាងណាងក្តីលោក សម រង្ស៊ី អតីតប្រធានគណបក្សសង្គ្រោះជាតិក៏បានអបអរសាទរចំពោះលោក កឹម សុខា ដែលត្រូវបានតុលាការដោះលេងឲ្យមានសេរីភាពបណ្តោះអាសន្នវិញ ។
លោក សម រង្ស៊ី បានលើកឡើងតាមវីឌីអូដែលបានបង្ហោះនៅតាមបណ្តាញសង្គមនៅព្រឹកថ្ងៃទី១០ កញ្ញា នេះថា«អបអរសាទលោក កឹម សុខា ត្រូវបានដោះលែងឲ្យមានសេរីភាពវិញហើយ ។ ឥឡូវគេដោះលែង កឹម សុខា វិញហើយ ប៉ុន្តែការដោះលែងនេះមិនគ្រប់គ្រាន់ទេ» ។
លោក សម រង្ស៊ី លើកឡើងថា ការដោះលែងលោក កឹម សុខា គ្រាន់តែមួយជំហានប៉ុណ្ណោះគឺត្រូវតែទាមទារឲ្យគណបក្សសង្គ្រោះជាតិកើតឡើងវិញ ។ លោកបញ្ជាក់ថា «យើងត្រូវទាមទារឲ្យថ្នាក់ដឹកនាំគណបក្សសង្គ្រោះជាតិទាំង១១៨នាក់មានសិទ្ធិធ្វើនយោបាយឡើងវិញ ។ យើងត្រូវទាមទារសមាជិកក្រុមប្រឹក្សាទាំង៥០០៧រូបទទួលដំណែងឡើងវិញ ហើយយើងត្រូវទាមទារឲ្យឲ្យមានការបោះឆ្នោតឡើងវីញ ដោយមានអន្តរជាតិទទួលស្គាល់ផងដែរ» ។
សូមជម្រាបថា ការលើកឡើងរបស់អតីមេបក្សប្រឆាំងនេះបន្ទាប់ពីតុលាការាជធានីភ្នំពេញដោះលែងលោក កឹម សុខា បណ្តោះអាសន្នកាលពីម៉ោងប្រមាណ៣ភ្លឺថ្ងៃទី១០ ខែកញ្ញា ឆ្នាំ២០ ១៨ នេះបន្ទាប់ពីលោកបានជាប់ពន្ធនាគារនៅត្រពាំងផ្លុងអស់រយៈពេលជាង១ឆ្នាំក្រោមបទល្មើសសន្និដ្ឋិភាពជាមួយបរទេសកាលពីពេលកន្លងមក ៕
ចែករំលែកព័តមាននេះ