ខេត្តកំពត ៖ រថយន្តដឹកប្រេងមួយគ្រឿងជាប់ផុង នៅបាតស្ទឹងកែវ ធ្វើឲ្យម្ចាស់ព្រលឹងចុងសក់ខ្លាចចិនបើកទឹកហូរលិចរថយន្ត ដែលរថយន្តមួយគ្រឿងបានដឹកប្រេងបើកឆ្លងកាត់ស្ទឹងកែវ ឃុំស្ទឹងកែវ ស្រុកទឹកឈូ ឆ្ពោះទៅកាន់ឃុំត្រពាំងភ្លាំង ខេត្តកំពត ។
រថយន្តមួយគ្រឿងដែលគេឃើញដឹកពុយប្រេងសាំង ហើយ ត្រូវបានជាប់ខ្សាច់ ក្នុងបាតស្ទឹង កាលពីវេលាម៉ោង៣រសៀល ថ្ងៃទី០៧ កញ្ញានេះ ។
តាមការអះអាងពីអ្នកបើករថយន្តនិយាយថា ខ្លួនមានការភ័យព្រលឹងចុងសក់ផងដែរ បន្ទាប់ពីរថយន្តបានជាប់ក្នុងបាតស្ទឹងមួយនេះ។
ម្ចាស់រថយន្តនិយាយថា ក្នុងស្ទឹងមួយនេះទឹកពេញព្រៀបជាប្រចាំមនុស្សម្នាមិនអាចធ្វើដំណើរឆ្លងកាត់ក្នុងស្ទឹងនេះបានទេ តែខ្លួនបានឃើញចិនបិតទ្វារទឹក ទំនងអាចបើកឆ្លងកាត់បានគាត់ក៏ប្រថុយបើកចុះក្នុងស្ទឹងក៏ជាប់ខ្សាច់ក្នុងបាតស្ទឹងនេះតែម្ដងទៅ ។ អ្នកបើករថយន្តបាននិយាយប្រាប់បន្តថា បើជាប់រថយន្តក្នុងបាតស្ទឹងបែបនេះ បើចិនបើកទ្វារទឹកមកពិតជាលិចរថយន្តរបស់ខ្លួនមិនខាន ។ មិនយូរប៉ុន្មានទេ រថយន្តដែលបានជាប់ក្នុងស្ទឹងនោះត្រូវបានម្ចាស់ ហៅអេស្កាទ័រធុនតូចអូសចេញពីកន្លែងភ័យខ្លាច ។
លោក អ៊ឹម ចន្ទ័សាធន អភិបាលរងស្រុកទឹកឈូបាននិយាយប្រាប់ កាលថា ប្រជាពលរដ្ឋមិនត្រូវប្រថុយគ្រោះថ្នាក់បែបនេះទេ ។ លោកអភិបាលរងរូបនេះនិយាយថា ស្ពានឆ្លងកាត់នៅចំណុចដំរីផុង ត្រូវបានរុះរើធ្វើជាថ្មី ជាអំណោយលោកជាវ តាយ អភិបាលនៃគណៈអភិបាលខេត្តកំពត ៕
ចែករំលែកព័តមាននេះ