កម្លាំងចំរុះគណៈបញ្ជាការឯកភាពស្រុកចុះបង្ក្រាបបទល្មើសនេសាទខុសច្បាប់
- សៀមរាប
ខេត្តសៀមរាប ៖ នាថ្ងៃទី៦ ខែកញ្ញា ឆ្នាំ២០១៨ កងកម្លាំងចំរុះរបស់គណៈបញ្ជាការឯកភាពស្រុកពួកនិងស្រុកជីក្រែង ក្នុងនោះស្រុកពួក ដឹកនាំដោយលោក ម៉ៅ វិសុទ្ធ…
ខេត្តសៀមរាប ៖ នាថ្ងៃទី៦ ខែកញ្ញា ឆ្នាំ២០១៨ កងកម្លាំងចំរុះរបស់គណៈបញ្ជាការឯកភាពស្រុកពួកនិងស្រុកជីក្រែង ក្នុងនោះស្រុកពួក ដឹកនាំដោយលោក ម៉ៅ វិសុទ្ធ…
ខេត្តសៀមរាប ៖ នាថ្ងៃទី៦ ខែកញ្ញា ឆ្នាំ២០១៨ កងកម្លាំងចំរុះរបស់គណៈបញ្ជាការឯកភាពស្រុកពួកនិងស្រុកជីក្រែង ក្នុងនោះស្រុកពួក ដឹកនាំដោយលោក ម៉ៅ វិសុទ្ធ អភិបាលស្រុក និងជាប្រធានគណបញ្ជាការឯកភាពស្រុកពួក និងលោកដោក វណ្ណ នេត អភិបាលរងស្រុក និង ជា អនុគណ:បញ្ជាការឯកភាពស្រុកជីក្រែង ដោយមានការសហការចូលរួម ពីមន្ត្រីជលផលប្រចាំក្នុងភូមិសាស្ត្រនីមួយៗ បានចុះទៅធ្វើការបង្ក្រាបបទល្មើសនេសាទខុសច្បាប់នៅក្មុងភូមិសាស្ត្រជាប់បឹងទន្លេសាប ដែលខ្លួនគ្រប់គ្រង។
តាមប្រសាសន៍របស់លោកទាំងពីរបានប្រាប់ថា ក្នុងប្រត្តិការបង្ក្រាបបទល្មើសនេសាទនៅទីតាំងភូមិសាស្ត្រ ស្រុកទាំង២ ដែលបានចុះបង្ក្រាបនាថ្ងៃនេះ គឺដោយមានការឯកភាព និងចូលរួមសហការជាមួយមន្ត្រីជំនាញផងដែរ ទើបកម្លាំងយើង សំរេចបានលទ្ធផល និងរឹបអូស រួមមាន ៖ ក្នុងនោះស្រុកពួករឹបអូសបានឧបករណ៍បរចំនួន១០របាំង, សាច់មុងប្រវែង១០០០ម៉ែត្រ, អ៊ុយស្បៃមុងចំនួន៤១, សាច់មុង១៦៤០ម៉ែត្រ និងចំរឹង៥៨២ដើម ហើយកម្លាំងសមត្ថកិច្ចបានចាក់លែងកូនត្រីចំនួន២៥៥គីឡូក្រាមចូលក្នុងបឹងធម្មជាតិវិញផងដែរ។
ចំណែកនៅស្រុកជីក្រែង រឹបអូសបាន.បចំនួន៣៥, របាំងសាច់អួនចំនួន៣៤៣០ម៉ែត្រ, ចំរឹងចំនួន២៦៥០ដើម, អ៊ុយស្បៃមុង១៨, លូស្បៃមុង៤៥ និងរបាំងស្បៃមុង៧០០ម៉ែត្រ ព្រមទាំងចាក់លែងកូនត្រីចំនួន ២២៥គីឡូក្រាមចូលក្នុងបឹងធម្មជាតិវិញ។
សូមបញ្ជាក់ផងដែរ ក្នុងថ្ងៃដដែលនោះដែរ កម្លាំងប៉ុស្តិ៍នគរបាលរដ្ឋបាលសង្កាត់សៀមរាប ចំណុះអធិការ
ដ្ឋានក្រុងសៀមរាប ក៏បានសហការជាមួយ លោកចៅសង្កាត់ និងកម្លាំងប្រជាការពារភូមិ ចុះបង្ក្រាបបទល្មើសនេសាទខុសច្បាប់ក្នុងភូមិសាស្ត្រ សង្កាត់សៀមរាប បានជាលទ្ធផលបង្ក្រាបបាន អ៊ុយស្បៃមុងចំនួន១២, របាំងស្បៃមុងស្មើនឹង២៥០ម៉ែត្រ, ចំរឹងឈើចំនួន៣០០ដើម ,និងបានចាក់លែងកូនត្រីចំនួន១៥០គីឡូ
ក្រាមចូលក្នុងបឹងធម្មជាតិវិញផងដែរ។សកម្មភាពសមត្ថកិច្ចចុះបង្ក្រាបបទល្មើសនៅតាមបឹងទន្លេសាប៕
ចែករំលែកព័តមាននេះ