រាជធានីភ្នំពេញ ៖ ក្រោយពីគណៈកម្មការជាតិរៀបចំការបោះឆ្នោត (គជប) បានប្រកាសលទ្ធផលបោះឆ្នោតជាផ្លូវការរួចមក បេក្ខជនដែលគណបក្សប្រជាជនកម្ពុជាបានដាក់តាមលំដាប់នោះបានជាប់ជាអ្នកតំណាងរាស្ត្រ ជាស្ថាពរហើយ ប៉ុន្តែអ្វីដែលគេចង់ដឹងនោះ គឺតើអ្នកតំណាងរាស្ត្រណាខ្លះ ដែលមានអាយុច្រើន និងតិចជាងគេ ។
កោះសន្តិភាពសុំលើកយកបេក្ខជនដែលជាប់ជាអ្នកតំណាងរាស្ត្រសម្រាប់ការបោះឆ្នោត ជ្រើសតាំងអ្នកតំណាងរាស្ត្រ អាណត្តិទី៦ ដែលមានវ័យចាស់ជាងគេ និងវ័យក្មេងជាងគេជូនអ្នកអានបានដឹង។
អ្នកតំណាងរាស្ត្រវ័យចំណាស់ជាងគេទាំង ៥ រូប៖
១- សម្តេចពញ្ញាចក្រី ហេង សំរិន កើតនៅថ្ងៃទី២៥ ខែឧសភា ឆ្នាំ១៩៣៤ មកពីគណបក្សប្រជាជនកម្ពុជាកាន់នៅមណ្ឌលត្បូងឃ្មុំ
២- សម្តេចចៅហ្វាវាំងគង់ សំអុល កើតថ្ងៃទី០១ ខែវិច្ឆិកា ១៩៣៦ មកពីគណបក្សប្រជាជនកម្ពុជា កាន់នៅមណ្ឌលកំពង់ឆ្នាំង
៣- លោក ប៉ែន បញ្ញា កើតនៅថ្ងៃទី២១ ខែតុលា ១៩៤១ មកពីគណបក្សប្រជាជនកម្ពុជា
៤- លោក ពេជ្រ គឹមស្រ៊ាង កើតនៅថ្ងៃទី០២ ខែមិថុនា ១៩៤២ មកពីគណបក្សប្រជាជនកម្ពុជា កាន់នៅមណ្ឌលភ្នំពេញ
៥- លោក ហ៊ូ ស្រ៊ី កើតនៅថ្ងៃទី២១ ខែមករា ១៩៤២ មកពីគណបក្សប្រជាជនកម្ពុជា កាន់នៅមណ្ឌលភ្នំពេញ
អ្នកតំណាងរាស្ត្រវ័យក្មេងជាងគេទាំង ៥ រូប៖
១- លោក យឹម លាត កើតនៅថ្ងៃទី០១ ខែតុលា ១៩៨៦ មកពីគណបក្សប្រ ជាជនកម្ពុជា កាន់នៅមណ្ឌលកំពង់ធំ
២- លោក សុខ សូកាន កើតនៅថ្ងៃទី១១ ខែមិថុនា១៩៨៣ មកពីគណបក្សប្រជាជនកម្ពុជា កាន់នៅមណ្ឌលតាកែវ
៣- លោក ហ៊ុន ម៉ានី កើតនៅថ្ងៃទី ២៧ ខែវិច្ឆិកា ១៩៨២ មកពីគណបក្សប្រជាជនកម្ពុជា កាន់នៅមណ្ឌលកំពង់ស្ពឺ
៤- លោក នង វាសនា កើតថ្ងៃទី០៩ ខែមិថុនា ១៩៨២ មកពីគណបក្សប្រជាជនកម្ពុជាកាន់នៅមណ្ឌលកំពង់ធំ
៥- លោក ស សុខា កើតនៅថ្ងៃទី០៤ ខែមិថុនា ១៩៨១ មកពីគណបក្សប្រជាជនកម្ពុជាកាន់នៅមណ្ឌលព្រៃវែង ។
ចែករំលែកព័តមាននេះ