ខេត្តព្រះសីហនុ ៖ កម្លាំងកងរាជអាវុធហត្ថខេត្ត រាប់សិបនាក់ប្រដាប់ដោយអាវុធវែង-ខ្លី បានឆ្មក់ចូលបង្ក្រាបក្នុងក្លិបកម្សាន្តមួយកន្លែងរបស់ជនជាតិចិន ស្ថិតនៅកណ្តាលក្រុងព្រះសីហនុ ដែលជាប់សង្ស័យពីការចែកចាយនិងសេពគ្រឿងញៀន ។ ប្រតិបត្តិការនេះ ក៏មានការសម្របសម្រួលនីតិវិធីពីលោក…
ខេត្តព្រះសីហនុ ៖ កម្លាំងកងរាជអាវុធហត្ថខេត្ត រាប់សិបនាក់ប្រដាប់ដោយអាវុធវែង-ខ្លី បានឆ្មក់ចូលបង្ក្រាបក្នុងក្លិបកម្សាន្តមួយកន្លែងរបស់ជនជាតិចិន ស្ថិតនៅកណ្តាលក្រុងព្រះសីហនុ ដែលជាប់សង្ស័យពីការចែកចាយនិងសេពគ្រឿងញៀន ។
ប្រតិបត្តិការនេះ ក៏មានការសម្របសម្រួលនីតិវិធីពីលោក កៀង សុន្ទរោ ព្រះរាជអាជ្ញារងអមសាលាដំបូងខេត្តផងដែរ ។
ការឆ្មក់ចូលបង្ក្រាបនេះ គឺកាលពីវេលារំលងអធ្រាត្រឈានចូលថ្ងៃទី២ កញ្ញា ដោយកម្លាំងកងរាជអាវុធហត្ថក្រុងព្រះសីហនុ និងកម្លាំងអាវុធហត្ថខេត្ត បានចុះបង្ក្រាបនៅក្លិបកម្សាន្ត អុីតៃជាយិន ស្ថិតនៅជិតមន្ទីរពេទ្យបង្អែកខេត្ត ស្ថិតតាមផ្លូវឯករាជ្យឆ្ពោះទៅរង្វង់មូលតោពីរ ក្នុងសង្កាត់លេខ៤ ក្រុងព្រះសីហនុ ។
នៅក្នុងការបង្ក្រាបនេះដែរ ក៏បានឃាត់ខ្លួនជនជាតិចិនចំនួន១១នាក់ ក្នុងនោះស្រី្ត៦នាក់ និងដកហូតបានគ្រឿងញៀនមួយចំនួនធំ ។
ចែករំលែកព័តមាននេះ