ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងពីប្រភពសមត្ថកិច្ចថា នៅវេលាម៉ោង១០និង១០នាទីព្រឹក ថ្ងៃទី០៤ ខែកញ្ញា ឆ្នាំ២០១៨ មានករណីគ្រោះថ្នាក់ចរាចរណ៍មួយកើតឡើង លើដងផ្លូវជាតិលេខ៤ ត្រង់ចំណុចមុខផ្លូវចូល…
ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងពីប្រភពសមត្ថកិច្ចថា នៅវេលាម៉ោង១០និង១០នាទីព្រឹក ថ្ងៃទី០៤ ខែកញ្ញា ឆ្នាំ២០១៨ មានករណីគ្រោះថ្នាក់ចរាចរណ៍មួយកើតឡើង លើដងផ្លូវជាតិលេខ៤ ត្រង់ចំណុចមុខផ្លូវចូល តំបន់កម្សាន្តទឹកធ្លាក់ ស្ថិតក្នុងភូមិព្រៃនប់១ ឃុំព្រៃនប់ ។
សេចក្តីរាយការណ៍បានបន្តថា រថយន្ត០១គ្រឿងខាងលើម៉ាក ហ៊ិនដាយ ក្បាលពណ៌ស ពាក់ស្លាកលេខភ្នំពេញ ៣E- ២៥១៧ ទិសដៅពីខេត្តព្រះសីហនុទៅភ្នំពេញ អ្នកបើកបរគេចខ្លួន មកដល់ចំណុចកើតហេតុខាងលើ បានបុកម៉ូតូ០១គ្រឿង ម៉ាកហុងដា ពណ៌ខ្មៅ ពាក់ស្លាកលេខកណ្តាល ១O -១៧៨៧ ទិសដៅផ្ទុយគ្នា បណ្តាលឲ្យអ្នកបើកបរម៉ូតូឈ្មោះ ម៉ាន អេះសារី ភេទប្រុស ជនជាតិខ្មែរឥស្លាម មានទីលំនៅភូមិឃ្លាំងស្បែក ឃុំកំពុងហ្លួង ស្រុកពញាឮ ខេត្តកណ្តាល រងរបួសធ្ងន់ បញ្ជូនមកសង្គ្រោះនៅគ្លីនិកឯកជនវាលរេញ ។ចំណែកវត្ថុតាងត្រូវបានកម្លាំងនគរបាលស្រុកយកទៅរក្សាទុកផងដែរ។
ចែករំលែកព័តមាននេះ