បុរសដើរអុកឡុក​តាម​ផ្លូវ​ព្រះ​មុនី​វង្ស​នោះ បាន​ស្លាប់​ហើយ (​មាន​វី​ដេ​អូ​)


រាជធានី​ភ្នំពេញ ៖ បុរស​ម្នាក់​ដែល​ដើរ​អុកឡុក​តាម​ផ្លូវ ដោយ​យក​ដុំ​ថ្ម​ដើរ​វាយ និង​គប់​ទៅ​លើ​រថយន្ត ព្រមទាំង​អ្នកដំណើរ​ផ្សេង​ៗ​បង្ក​ឱ្យ​មានការ​ភ្ញាក់ផ្អើល​យ៉ាង​ខ្លាំង​នៅ​ខាង​មុខ​ក្រសួង​សង្គមកិច្ច អតីត​យុទ្ធ​ជន និង​នីតិ​សម្បា​ទា តាម​បណ្តោយ​ផ្លូវ​ព្រះ​មុនី​វង្ស ក្នុង​សង្កាត់​​បឹង​ត្របែក ខណ្ឌចំការមន កាលពី​ព្រឹក​ថ្ងៃ​ទី​៣១ ខែសីហា កន្លង​នោះ រូបគេ​ស្លាប់​បាត់បង់​ជីវិត​ទៅ​ហើយ ក្រោយ​ពេល​កម្លាំង​សមត្ថកិច្ច​ដឹក​តាម​រថយន្ត​ទៅ​សង្គ្រោះ តែ​ជួយ​មិន​បាន​នៅ​ថ្ងៃ​ដដែល​នោះ​។

តាម​ប្រភព​ពី​នគរបាល​ប្រាប់​ឱ្យ​ដឹង​ថា បុរស​រង​គ្រោះ​ឈ្មោះ គឹ​ម ភា​រុណ ហៅ​ផ្ល​យ អាយុ​២៣​ឆ្នាំ មុខរបរ​លក់​អីវ៉ាន់​តាម​អន​ឡាញ មាន​ទីលំនៅ​ផ្ទះ​លេខ​៥៥E1 ផ្លូវ​លេខ ១៣៤ ក្នុង​សង្កាត់​មនោ​រម្យ ខណ្ឌ​៧​មក​រា ។

គួរ​រំលឹក​ថា នៅ​ថ្ងៃ​កើតហេតុ​កាលពី​ម៉ោង​៩​និង​១០​នាទី​ព្រឹក ថ្ងៃ​ទី​៣១ សីហា ខាង​មុខ​ក្រសួង​សង្គមកិច្ច អតីត​យុទ្ធ​ជន និង​នីតិសម្បទា តាម​បណ្តោយ​ផ្លូវ​ព្រះ​មុនី​វង្ស ក្នុង​ខណ្ឌចំការមន កន្លង​មកនេះ​។ បុរស​រង​គ្រោះ​ដោយ​មិន​មាន​អ្នក​ណា​ម្នាក់​បានដឹង និង​ស្គាល់​អត្តសញ្ញាណ​រូបគេ​ឡើយ ហើយ​ក៏​មិនដឹង​ថា រូបគេ​ដើរ​មកពីណា​ដែរ? លុះ​មក​ដល់​ចំណុច​ខាងលើ ដោយ​រូបគេ​មាន​អាកា​រៈ​បែក​ថ្នាំ​នោះ រូបគេ​ក៏​យក​ដុំ​ថ្ម​ដើរ​ដេញ​វាយ និង​គប់​ទៅ​លើ​រថយន្ត ព្រមទាំង​អ្នកដំណើរ​តាម​ផ្លូវ​មានការ​ភ័យ​ខ្លាច​គ្រប់​ៗ និង​ខ្លាច​បង្ក​ការ​គ្រោះថ្នាក់​ដល់​គេ ហើយ​លោក​ក៏​បាន​ចុះ​មក​ដល់ និង​ចាប់ចង​ក្នុង​បំណង​បញ្ជូន​ទៅ​កាន់​ខាង​មន្ទីរ​សង្គមកិច្ច​។

ប្រភព​ដដែល​ប្រាប់​ទៀត​ថា លុះ​បន្តិច​ក្រោយមក រថយន្ត​របស់​មន្ទីរ​សង្គមកិច្ច​ក៏​មក​ទទួល ខណៈ​ដឹក​តាម​ផ្លូវ​នោះ​ឃើញ​រូបគេ​មាន​អាកា​រៈ​សំងំ​នៅ​ស្ងៀម​បាត់​មាត់​បាត់​.​ក​ខុស​ប្លែក​ដូច​កាលពី​រូបគេ​នៅ​កន្លែង​កើតហេតុ ។ ក្រោយមក​រថយន្ត​របស់​មន្ទីរ​សង្គមកិច្ច​ក៏​ដឹក​រូបគេ​ចូល​ទៅ​ក្នុង​មន្ទីរពេទ្យ​មិត្តភាព​ខ្មែរ​-​សូ​វៀត​ដើម្បី​ជួយ​សង្គ្រោះ​រូបគេ​ផង​ដែរ រហូត​ដល់​ម៉ោង​១២​ថ្ងៃត្រង់​ក្នុង​ថ្ងៃ​ដដែល រូបគេ​ក៏​ដាច់ខ្យល់​ស្លាប់​បាត់បង់​ជីវិត​ទៅ​។

ក្រោយ​ពី​បុរស​រង​គ្រោះ​ដាច់ខ្យល់​ស្លាប់​បាត់​ទៅ​នោះ កម្លាំង​របស់​លោក​សហការ​ជា​មួយនឹង​កម្លាំង​ជំនាញ​ធ្វើការ​កោសល​វិ​ច្ច័​យ​ទៅ​លើ​សព​បុរស​រង​គ្រោះ​ឃើញ​ថា «​ជន​រង​គ្រោះ​ស្លាប់​ដោយ​គាំងបេះដូង​» ដោយសារ​តែ​រូបគេ​ប្រើ​សារធាតុ​ញៀន​ប្រភេទ​មេ​តំ​ហ្វេ​តា​មីន​ច្រើន​ហួស​កំរិត​។

ក្រោយ​ពេល​សមត្ថកិច្ច​ត្រួតពិនិត្យ និង​កោសល​វិ​ច្ច័​យ​យ៉ាង​ល្អិតល្អន់​រួច​នោះ លុះ​រហូត​ដល់​ម៉ោង​១០​និង​២០​នាទី​ព្រឹក ថ្ងៃ​ទី​១ ខែកញ្ញា ឆ្នាំ​២០១៨ ទើប​ប្រគល់​ទៅ​ឱ្យ​ស្ត្រី​ជា​ម្តាយបង្កើត​យក​ទៅ​តម្កល់​ទុក​ន វត្ត​សំបួរមាស ដើម្បី​ធ្វើបុណ្យ​ទៅ​តាម​ប្រពៃណី​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ