ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តបានចុះបង្ក្រាបបទរក្សាទុក និងចាត់ចែងឱ្យប្រើប្រាស់ដោយខុសច្បាប់នូវសារធាតុញៀននាថ្ងៃទី២២ ខែសីហា ឆ្នាំ២០១៨ វេលាម៉ោង១៥និង០០នាទី ស្ថិតនៅភូមិខ្សាច់ ឃុំកំពង់ថ្កូវ ស្រុកក្រឡាញ់…
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តបានចុះបង្ក្រាបបទរក្សាទុក និងចាត់ចែងឱ្យប្រើប្រាស់ដោយខុសច្បាប់នូវសារធាតុញៀននាថ្ងៃទី២២ ខែសីហា ឆ្នាំ២០១៨ វេលាម៉ោង១៥និង០០នាទី ស្ថិតនៅភូមិខ្សាច់ ឃុំកំពង់ថ្កូវ ស្រុកក្រឡាញ់ ខេត្តសៀមរាប រហូតឈានដល់ធ្វើការឃាត់ខ្លួនជនសង្ស័យចំនួនម្នាក់ ។
តាមប្រភពពីកម្លាំងជំនាញខេត្តបានប្រាប់ថា ជនសង្ស័យមា្នក់ដែលឃាត់ខ្លួនបាននោះមាន ឈ្មោះ ហេង ឧត្តម ភេទប្រុស អាយុ២៨ឆ្នាំ មុខរបរជាងផ្សារដែក មានទីលំនៅភូមិត្រពាំងជង ឃុំត្រពាំងជង ស្រុកបាកាណ ខេត្តពោធិ៍សាត់ (រក្សាទុក និងចាត់ចែង ) យកមកលក់ និងប្រើប្រាស់នៅក្នុងទឹកដីភូមិសាស្ត្រ ស្រុកក្រឡាញ់ ។ បន្ទាប់ពីឃាត់ខ្លួនបានជនសង្ស័យរួចមក កម្លាំងនគរបាលជំនាញយើងបានដកហូតវត្ថុតាងមានម្សៅមេតំហ្វេតាមីន ប្រភេទទឹកកក ចំនួន០២កញ្ចប់ ស្មើនឹងទម្ងន់០,៤ក្រាម (ទាំងសំបក) ទូរស័ព្ទដៃ០២គ្រឿង ។
បច្ចុប្បន្នជនសង្ស័យម្នាក់ និងវត្ថុតាងត្រូវបានកម្លាំងជំនាញរៀបចំកសាងសំណុំរឿង បញ្ចូនខ្លួនទៅសាលាដំបូងខេត្ត នៅថ្ងៃទី២៣ ខែសីហា ឆ្នាំ២០១៨ ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ