រាជធានីភ្នំពេញ ៖ លោក ទេព រិនដារ៉ូ ប្រឡូកក្នុងវិស័យសិល្ប:ចាស់វស្សាមិនតិចឆ្នាំទេ បើធៀបនឹងនាយគ្រឿន ទោះជាក្នុងពេលនេះនាយគ្រឿន ត្រូវបានគេស្គាល់ថា ក្លាយជាតារាដែលមានកេរ្តិ៍ឈ្មោះល្បីម្នាក់។…
រាជធានីភ្នំពេញ ៖ លោក ទេព រិនដារ៉ូ ប្រឡូកក្នុងវិស័យសិល្ប:ចាស់វស្សាមិនតិចឆ្នាំទេ បើធៀបនឹងនាយគ្រឿន ទោះជាក្នុងពេលនេះនាយគ្រឿន ត្រូវបានគេស្គាល់ថា ក្លាយជាតារាដែលមានកេរ្តិ៍ឈ្មោះល្បីម្នាក់។ ប៉ុន្តែផ្អែកតាមការសារភាព នាយគ្រឿនបានក្លាយជាអ្នកបញ្ជាឲ្យ លោក ទេព រិន្ទដារ៉ូ ធ្វើអ្វីតាមខ្លួន ខណៈដែលលោកទេព រិន្ទដារ៉ូ ក៏ត្រូវបង្ខំចិត្តធ្វើ ដោយលោកបង្ហើបថា ដើម្បីលុយ។
នាយគ្រឿន បានអះអាងថា ការពិតលោកមានអាយុតិចជាងលោក ទេព រិន្ទដារ៉ូ និងគ្រាន់តែជាតារាស្រករក្រោយប៉ុណ្ណោះ ប៉ុន្តែដោយសារតែលោកបានវិវត្តន៍ខ្លួនក្លាយជាអ្នកនិពន្ធ និងជាអ្នកដឹកនាំសម្ដែងប្រចាំឲ្យផលិតកម្ម ដោយបានចេញមុខផលិតភាពយន្តរឿង វិញ្ញាណទីងមោង ទើបលោកមានសិទ្ធិគ្រប់គ្រាន់ក្នុងការតម្រូវឲ្យលោក ទេព រិន្ទដារ៉ូ ធ្វើអ្វីក្នុងនាមជាតួឯកម្នាក់ សូម្បីតែការសម្ដែងនោះ តារារៀមច្បងរូបនេះមិនចង់ធ្វើក៏ដោយ។
លោកបន្តថា ក្នុងរឿងនេះ លោកគឺជាអ្នកតម្រូវដោយផ្ទាល់ឲ្យលោក ទេព រិន្ទដារ៉ូ សម្ដែងខុសពីអ្វីដែលលោកចង់សម្ដែង ប៉ុន្តែលោកទេព រិន្ទដារ៉ូ អត់មានជម្រើសទេ ដើម្បីឲ្យរឿងលោកមិនមានបញ្ហា។ជាក់ស្ដែងក្នុងប្លង់ជាច្រើន លោកបានតម្រូវឲ្យលោក ទេព រិន្ទដារ៉ូ សម្ដែងបែបកំប្លុកកំប្លែង និងប្រើពាក្យអាម៉ឹង ទៅកាន់តារាសម្ដែងផ្សេងទៀត ទាំងលោក ទេព រិន្ទដារ៉ូ មិនចង់ទាល់តែសោះ។
លោកនិយាយថា «ក្នុងរឿងហ្នឹង មានប្លង់ច្រើនណាស់ដែលបងរ៉ូអត់ចង់សម្ដែងម្មង តែគាត់បង្ខំចិត្តធ្វើ ម្យ៉ាងទៀតគាត់យល់ដែរតា គាត់មិនធ្វើតាមសាច់រឿងគឺវាខុសឆ្អឹងរឿង!»។
ចំណែកលោកទេព រិនដារ៉ូ បានឱ្យដឹងថា «ស្នាដៃនាយគ្រឿនដែលផលិតរឿងមួយនេះធ្វើឱ្យលោកពិបាកសម្តែង ដោយសារតែចំណុចកំប្លែងមួយមុខមិនមែនជាជំនាញបទពិសោធន៍ថ្មី មួយទៀតក្នុងសិល្បៈ។ យ៉ាងណានាយគ្រឿនអាចដឹកនាំបានល្អ គាត់ពូកែធ្វើឱ្យយើងចាប់របៀបសម្តែងចំកំប្លែងបានធ្វើទៅរលូនទៅមុខ»៕
ចែករំលែកព័តមាននេះ