មិនគួរកើតឡើងសោះ…
- កំពង់ស្ពឺ
ខេត្តកំពង់ស្ពឺ ៖ បុរសម្នាក់បានស្លាប់ភ្លាមៗ ក្នុងហេតុការណ៍គ្រោះថ្នាក់បើករ៉ឺម៉ក ទៅបុកដើមក្រសាំង កាល ពីថ្ងៃទី២០ សីហា វេលាម៉ោង២ និង៥០នាទីរសៀល…
ខេត្តកំពង់ស្ពឺ ៖ បុរសម្នាក់បានស្លាប់ភ្លាមៗ ក្នុងហេតុការណ៍គ្រោះថ្នាក់បើករ៉ឺម៉ក ទៅបុកដើមក្រសាំង កាល ពីថ្ងៃទី២០ សីហា វេលាម៉ោង២ និង៥០នាទីរសៀល នៅតាមផ្លូវជាតិលេខ៤ ចន្លោះគីឡូម៉ែត្រលេខ៥៩និងលេខ៦០ ក្នុងភូមិក្បាលថ្នល់ ឃុំមហាសាំង ស្រុកភ្នំស្រួច ។
ទោះជាយ៉ាងណា ករណីនេះ មិនបង្កឱ្យមានគ្រោះថ្នាក់ដល់អ្នកដទៃ និងរងរបួសអ្នកជិះនៅលើរ៉ឺម៉កនោះឡើយ ។ ជនរងគ្រោះជាអ្នកបើករុឺម៉កឈ្មោះ កែវ ឡាយ អាយុ២៧ឆ្នាំ នៅភូមិព្រៃក្តី សង្កាត់ស្វាយក្រវាន់ ក្រុងច្បារមន ។
ប្រភពពីសមត្ថកិច្ចឲ្យដឹងថា បុរសរងគ្រោះបើកម៉ូតូសណ្តោងរ៉ឺម៉ក ពណ៌ក្រហម លាយខៀវគ្មានផ្លាកលេខ ពីខាងលិចទៅខាងកើត ។ លុះទៅដល់ចំណុចខាងលើ មិនដឹងជាយ៉ាងម៉េច ស្រាប់តែរេចង្កូតទៅខាងឆ្វេងដៃ ហើយជ្រុលទៅបុកដើមក្រសាំងពេញទំហឹង បណ្តាលឱ្យអ្នកបើកបរស្លាប់នៅនឹងកន្លែងកើតហេតុតែម្តង ៕
ចែករំលែកព័តមាននេះ